عليكم السلام ورحمة الله وبركاته

مافيه إلا إنك تكونين إجتماعية تحبين الجمعات والطلعات في المناسبات

وإذا طلعتِ يكون لك دور فعّال إبتداءً من لباسك وإنتهاءً بإبتسامتك

اللسان الحلو يلفت النظر إليك والمعاملة الطيبة تحبب فيك الأقارب

أكبر خطأ تقع فيه الفتاة إنه إذا جاء الكلام عن الزواج والرجال قامت تقول لالالا أنا توني صغيرة ولاحقة

على المسؤولية والرجال فيهم ومافيهم والمشكلة جواتها عكس كل هذا بعضهم خلاص ياخذون فكرة

إنك ماتبين الزواج وماعندهم إستعداد أحد يرفضهم ..

طبعاً أنا ماأقول إنها تكون ثرثارة للكل كل شي بتوزان وبثقل وبعقل

إذا قدرتِ تتوظفين أو حتى تشاركين بأي جمعية أو حتى تحفيظ المهم تكسبين دنيا وآخرة

منها الناس يشوفونك ومنها تستفيدين من وقتك وتحفظين كتاب الله

واللهِ أحياناً يكون البيت فيه كذا بنت بسن زواج لكن ماأحد يدري عنهم لأنهم مايطلعون وأقلها

إطلعي للجيران مع أمك أو حتى أعزميهم لبيتكم

هذا من فعل الأسباب والأمر من قبل ومن بعد على الله وحده .