حبيبتى اولا الف مبروك و ان شاء الله بالرفاء و البنين

حبيبتى ممكن تغسلى اللحم ثم تتبليه بصل و ملح و فلفل و شوية زيت و تحطية على النار بس يكون قطعة اللحمة مفرودة و توطى عليه النار حتى يستوى و اذا احتاج بعض الماء زودى 1\2 كباية و اعتقد انه حياخد حوالى الساعتين على النار الى ان يستوى ثم تشيلى اللحمة و تضعيها فى طبق و فى مكان سوى اللحم تضعى كريمة لبانى حوالى 250 جرام او على حسب انتى تحبى الصوص قد ايه كميته و ممكن تحطى بقى الاتى بعد ما تغلى الكريمة:
ملعقة كبيرة كمون
ملعقة صغيرة قرفة
فلفل اسود مطحون خشن شوية
مستردة (المفضلة عندى)

و بعدين ترجعى اللحم تانى على الصوص و تخليهم يغلو غلوة و يكون جاهز للتقديم

ممكن الى جانبه تعملى اى نوع من انواع الرز اوالبطاطس المحمرة او الخضار السوتيه و بالهنا و الشفا

ممكن اذا تحبى الصوص يكون لونه بنى قبل ما تسوى اللحم حمرى بصلى مبشورة الى ان تغمق و بعدين حطى كوب من الماء و تحطى اللحم و لما يغلى تهدى النار و تغطيهم لحد اللحمة ما تستوى و برضو فى الاخر تحطى الكريمة بس من غير الاضافات التانية و اذا لقيتى الصوص فيه قطع بصل ممكن تضربيه فى الخلاط

و اى خدمة

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة