حبيبتي طبيعي في بداية الخطبة تكوني هيك

كل البنات مروا بموقفك و منهم أنا و كنت أواجه انتقادات من خطيبي بس بعدين رح تتغيري لما تتعودي أكتر على خطيبك

لما يتصل فيكي خبريه عن كل شي عملتيه بيومك حتى لو شفتي إنو هالشي بسيط بس هو رح ينبسط لما يشوفك بتحكيلو عن كل شي بحياتك إسأليه كيف قضى يومه

خذي رأيه بأشياء بتخصك مثلاً قوليله حابة أغير لون شعري شو أصبغه بأي لون؟ أو حابة أغير القصة شو القصة يلي بتحبا علي؟

عبري عن مشاعرك إلي بتخجلي إنك تقوليها على الهاتف عن طريق المسجات و لما يتصل إسأليه عن رأيه بالمسج


تكلموا عن مستقبلكم و حياتكم القادمة و كيف بتحبي تكون و كيف رح تسعديه و تملي عليه حياته

حدثيه عن هواياك و إسأليه عن هواياته

قوليله إنو سبب قلة حديثك لإنه هو أول رجل بحياتك و إنت مش متعودة على هيك شي ولازم إنت تشجعني إني أتغير

مع الأيام رح يطلع الحكي لوحده صدقيني أنا خطيبي هلأ بزكرني كيف كنت ببداية الخطوبة ساكتة و إزا سألني كنت أجاوب بالإشارة يعني أحرك رأسي بالإيجاب إزا الجواب نعم و أحركه بالنفي إزا الجواب لأ و أنا هلأ بضحك على حالي كيف كنت فما تخافي و لا تقلقي و هذا شي طبيعي لأنو أول رجل بحياتك