طيب اهلك وش رايهم بالي صاير واهله كمان وش رده فعلهم؟؟

أهلي مقهورين من تصرفه وابوي يقول بصبر عليه اسبوع اذا ماجاء بدق اتفاهم معه ليه سوا كذا اذا مايبيك ليه اللف والدوران
اما اهله معه يقولون خذي بنتك وارجعي طبعا هذا ولدهم

يا قلبي خذي بنتك وروحي بيتك وش

تنتظرين والله الموضوع ما يستاهل كل هذا وخليك إنتي العاقله

ولا تقولين هذي إهانه لك وولله إنها أعظم لأجرك

000صار معي مثل ما صار معك بالضبط ولكني كلمته في البدايه

وقال لي خليني أنا أتركها من حالي وتركته ولا قلتله شي

حتى تركها من حاله ولله الحمد لأني أعرف زوجي بطبعه عنيد

ولو تطاولت معه ما راح يتركها

ما نقول إلى الله يهديهم

الله يصلح حالكم ويردكم لبعض يا رب قريبا

__________________

أنا أشوف أنك قبل لا تخلي زوجك يترك التدخين لازم تعرف ليه يدخن ؟ ، أنا من واقع تجربتي كطالب جامعي أشوف أن أغلب اللي يدخنوا عندنا في الجامعة أما أنهم يأخروا الصلوات أو يحبوا بنت أو يحب ولد في غير الله < طبعا ً في أسباب غيرها لكن ذي أبرز الأسباب .. يعني لازم تعرفي أن مافي أحد يدخن ألا عشان عنده مشاكل وهموم وعشان كذا يلجأ للدخان .
وعشان تخلي زوجك يترك الدخان لاتقولي له يترك الدخان خلي هو يترك الدخان من نفسه .
عشان تخليه يترك الدخان لازم تتبع أفضل الطرق وأحسن الاساليب .. ( عشان تكسبي الاجر ، عشان زوجك يحبك أكثر ، عشان زوجك يترك التدخين للأبد ) .
يعني اقول لك وش تسوي .
جمعي سواليف حلوة في رأسك ونظميها عشان إذا جاء زوجك البيت تقوليها له ،
أول مايجي البيت أجري على الباب وأحضنيه وقبليه وقول لي له أحبك ، إذا جلس همزي كتوفه وسولفي معه ، قولي له أبي أقعد في حضنك ، إذا جيتي تصحيه من النوم همزي رجوله < ترى تهميز الرجول تخلي الواحد يتنشط بشكل غير طبيعي وأنا مجربها بنفسي ، إذا جاء يروح للدوام أمشي معه للباب وأحضنيه وقبليه وقول لي له بشتاق لك ، قولي له وش عندك هموم ، قول لي له فضفض لي أنا زوجتك ، حاول تملي فراغه في البيت .. يصير إذا راح العمل يشتاق لك ويفكر فيك ، وإذا مثلا سافرتي عنه راح يحس بفراغ وراح يحس بقيمتك وراح يدق عليك ويسمعك كلام حلو ، وراح يحبك أكثر في ذي الفترة ، حاولي تفكري في أقتراحات من عندك ، إذا زوجك ماكان يحافظ على الصلوات في وقتها لاتقول لي له أنت ماتحافظ على الصلوات في وقتها ، حاولي تجيبيها بأحسن الطرق .. يعني مثلا ً إذا مره سالك وش سبب السعادة اللي أنتي فيها قولي له والله صرت اصلي الصلوات في وقتها ، وصرت بعدها مبسوطة وأحس بأنشراح في الصدر < وانتبهي لاتقولي له لازم تصلي أنت بعد في وقتها ، مثلا صلاة الفجر همزيه وقولي له قوم ياحبيبي صلي الفجر وقبليه قولي له يلا كلها ركعتين بدلع < بذا الأسلوب وبعدين أنا أتوقع أن بيجي يوم راح يترك الدخان وإنشاء أذا حافظ على الصلاة في وقتها حاولي تقنعيه بالصلاة في المسجد بأسلوب حلو .. يعني مثلا الصلاة في المسجد فيها راحة نفسية أكبر وساعديه .. وأدعي له في صلاواتك بالهداية وترك الدخان ولاتنسي تكثري من الأستغفار .. قال رسول الله صلى الله عليه وسلم ( من لزم الأستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) وإنشاء الله يارب الله يهدي زوجك ويخليه يترك الدخان .

أنا توني قريت الردود على بالي رجعتي لزوجك ، زي مافهمت من أستنتاج أبو فراس اللي أظن أنه من جد هو اللي خلى زوجك يترك .. دلعك الزايد عليه ، يعني هو شايل عليك شي يبي يربك بالعربي ، مدري انت وش سويت له ، يمكن عندك غرور مثلا وحب ان يكسر غروك ، يمكن هو معطكي الحب وانتي ماعطتيه اللي يبغاه منك ، يمكن ..... < في اسباب كثيرة ماتنحصر ومدري وش السبب بصراحة أنا بس افترض ، بس أحس أنه يحبك بس ماسوى كذا الا عشان يأدبك ، يعني اتوقع أنه دايم كان يراضيك وانتي متعودة منه ذا الشي وهو الحين يبي منك الانكسار وهذا أحلى شي عند الرجل يبي زوجته تنكسر لي وهذي من الصفات الحلوة في المرأة وذي تخلي الواحد يحس برجولته ، أنا أعرف واحد كان دايم زوجته تزعل من أهله وتقول له دايم انها ماتحب أهله وماتبي تعيش معهم في بيت واحد وحتى صارت ماتقعد معهم وكل مره تسوي له مشاكل من أتفه الامور .. هو طبعا يموت فيها بس قال والله لاادبها ودق على ابوها وقال له تعال خذ بنتك وادبها سنة كاملة ومارجعها الا بعد ماانكسرت له حتى دقت على أهله وأعتذرت منهم ، وارسلت له رسايل شوق وغرام < حتى فرح ورى أخوه الرسايل < والله شي يفرح الزوج أنتي ماتتصور الفرح والحين ماشية معه زي الحلاوة وهو معيشها في أحلى عيشه وهذا اللي يبغاه زوجك أنك تمشي معه زي الحلاوة الحين مايبغاك تسوي الاشياء اللي تقهره ممكن أنت دايم تنتقديه مثلا وتزعلي ويراضيك إلين طفش ، يمكن أنتي ماعندك أسلوب في النصيحة ودايم تختاري أخس الاساليب ماتراعي مزاجه ولا الحالة اللي يمر فيها ( يعني يمكن يكون بمقدورك انك تجيبها بأسلوب أحلى ، بس أنتي ماتتبعي ذي الطرق ) عشان كذا زوجك أنقهر منك خاصة أنك قلتي بعدها أبي اروح بيت أهلي وقال جاء الوقت انه يادبك ، الحين هو يبغى تنكسري له وتغيري من الاشياء اللي تقهره .. هو يحبك هو مشتاق لك هو يموت فيك حتى انتي قلتي يحبني ماشاء الله < واضح أنه يحبك حب غير طبعي بس مستحيل يرجعك بدون أنكسار ،أنكسري وأكسبي الاجر والله مافي أحسن للزوج من أنكسار الزوجه له ، لاتقول لي له بنتك تحتاجك ، حسسيه أنك أنت تبغيه ومحتاجته له وأنك أنكسرت وزي ماقلت لك إذا تبي مشكلتك تنحل أكثررري من الاستغفار ولازم تنكسري له وحاولي تنكسري له أكثر من مره حتى بعد مايرجعك ترى الزوج أحلى شي عنده وربي الانكسار والله يهديك ويهديه

ممكن سؤال ..؟؟
وش بيصير لو أخذتي أغراضك وأخذتي بنتك وخليتي ابوك أو أخوك يردك البيت ؟؟

الله يعينك
بس ما اقدر افيدك وحاولي انتي تكلميهوتشوفين هو وش فيه وش عنده ان شاء الله ترجع المياه لمجاريها

جزاك الله خيرًا

__________________
لا عزة لنا إلا بالإسلام فإذا إبتغينا العزة بغيره أذلنا الله

من الأقوال المأثورة لعمر بن الخطاب رضي الله عنه

تدرين ليش ؟؟

لأني بصراحة استنفذت كل ماعندي من حلول وعندي احساس بأن هذا الموضوع به جوانب كثير غير واضحة ..

يعني بصراحة احس انك ماوضحتي الصورة لنا بشكل كبير بحيث نقدر نشير عليكي بالحلول الصحيحة ..

الصورة العامة لمشكلتك (في ذهني) كالتالي :

( متزوجة من سنتين ولديك طفلة عمرها 3 اشهر ..

بعد ولادتك للطفلة وخروجك من النفاس اكتشفت ان زوجك يدخن وكانت هذه صدمة بالنسبة لك ..

تحاورتما بهذه المشكلة فقال لك زوجك بأنه حر وبأنه سيدخن ومالك دخل بالموضوع ..

طلبتي من زوجك انك تروحين لبيت اهلك للاستجمام (يومين) ..

قام زوجك تركك ولا سأل فيكي حتى الآن والفترة شهر ونص ..يعني قبل رمضان الماضي ..

قال زوجك اذا بترجعي ارجعي بكيفك ..ولكن هو مارح يجي ياخذك ..

موقفك انه المفروض يجي ياخذك وماتبين ترجعين لوحدك علشان كرامتك ..

موقف اهلك انه ماكلمهم زوجك ومايبون يتدخلون حتى يبدأ هو بالكلام ..

موقف اهله مثل موقفه وان ابنهم على حق ..)

انـــــــــــتــــــــــهـــــــى

------------------------------------------------------------

هناك عدة نقاط بالمشكلة ماتدخل العقل ...مثلاً

1) متزوجة من رجل مدخن من سنتين ..طيب هو يدخن من سنتين ومافيه ريحة دخان ابداً ولا شميتيها في فمه او اثار التدخين على شفايفه واسنانه ؟؟
ولو افترضنا انه انسان حريص على اخفاء هذا الامر طول سنتين ..ليش الآن بالذات حب يكشف نفسه لك ؟؟

ولو افترضنا انك انتي اللي كشفتيه ..معقول بيدخن طول العمر معاكي وانتي ماتدرين ؟؟

يااختي التدخين شيء واضح جداً ومايقدر احد يخفيه فترة طويلة ..

ولو افترضنا ان هذا كله صحيح فهذا يعطيني انطباع معين عن زوجك انه رجل جبان ويخاف منك ..او انك انتي صاحبة مشاكل وهو يحبك وماوده يثير غضبك ..او انه وده يبطل التدخين في اي وقت لكن ماوده انك تدرين بهذا لذلك يخفي عنك الامر ..وهذا دليل كبير على عدم الصراحة بينكم ...

نقطة ثانية ماتدخل العقل
2) معقول ان زوجك يتركك ببيت اهلك وطناااااااش انتي وبنته اللي عمرها شهر ونصف فقط دون سبب قوي وقوي وقوي جداً ؟؟؟

تقولين انه يحبك وانتي بعد تحبيه ..طيب ليش الحقد هذا كله من طرفه ؟؟

انا اقولك .. وهذا تحليل لااكثر ..

طبعاً انتي وياه تحاورتم بخصوص مشكلة التدخين وظهرت عبارات وكلمات وتصرفات وامور ماذكرتيها بالمشكلة فيها الكثير من التجريح والتلميح والاهانات منك له ومنه لك ..

وكانت المشكلة الاصلية التدخين ابسط بكثير من الكلام الذي قيل وقتها ..وهذا سبب المشكلة الحقيقية بنظري ...طريقة الحوار بينكما ..
وانا حاسس انه مافي تفاهم بينكم ...ولكن فيه حب ..بس عادي ..كثير من البيوت كذا !!!

3) هذي النقطة تحيرني كثير ...وهي شخصية زوجك !!!!

من كلامك عنه اخذت الانطباع التالي :

( انسان مايواجه وجبان بدليل اخفائه التدخين سنتين كاملة ...
وعلى النقيض نجد انه انسان قوي الشخصية ومايبي نقاش بموضوع التدخين !!!! )

(انسان مرن وقد ترك لك مفاتيح البيت لتأخذي اغراضك وقتما تشائين ...

على النقيض هو انسان قاسي ولايوجد بقلبه رحمة بدليل ان لديه زوجة يحبها وقد خرجت من النفاس ولايهمه ابداً شوقه اليها ولا يهمه طفلته (اول طفل له بالحياة) ولم يراها من شهر ونصف ولايهمه موسم مغفرة ورحمة مثل رمضان لتعود المياه لمجاريها ولايهمه عيد ولا فرحة اعياد ولا يهمه ان يرسل لكما كسوتكما او حتى مصروف الطفلة على الاقل !!!!!!!!! )

معقول ؟؟؟؟

4) ايضاً هذه النقطة محتاااار جداً منها ...وهي موقف عائلتكما من الموضوع ...

هل من المعقول ان تمر مواسم خير وفرح بين عائلته وعائلتك ولايكون هناك تواصل بسبب مشكلة التدخين هذه ؟؟؟؟

الا يوجد عقلاء في العائلتين ليمدو جسر الصلح ووضع حد لهذه المشكلة ؟؟؟

اذن المشكلة اكبر من مجرد تدخين ؟؟؟

---------------------------------------------------------------

ولاحظت اثناء ردودك انها مقتضبة ومحدودة وتدل على عدم اكتراث وبها الكثير من الغموض ...

بل انني احسست بأنك مرتاحة لهذا الموقف الذي انتي فيه وتريدين ان تجمعي التأيد بتحويل الموقف لصالحك بإخفاء الحقائق وكأنك بذلك تريدين طمأنة نفسك بأنك على حق ..

وعندما طلبت منك ان تطنشي فرحت لهذا جداً ...وكأني بك تجدين غايتك اخيراً ..!!!

اطالبك يااختي الكريمة بتوضيح مشكلتك وموقفك من الموضوع حتى لاتصبح عدد الصفحات لهذه المشكلة عشرات العشرات على غير فائدة ترتجى ..الا تريدين المساعدة حقاً ام هي مجرد فضفضة؟؟

وشكرا

كلام عين العقل اخي ابو فراس النمري

الموضوع اكبر من تدخين ..

لو كان مخدرات لا سمح الله او مسكر ...وش كنت سويتي

الله يهديك بس