الله يحفظهم لك..

انا اشوف انك تكوني حازمه شوي معهم..

لأنك اكيد تعبانه بالليل و محتاجه الراحه في هذا الوقت..

و كمان عشان تاخذي راحتك في غرفتك..

اول شي اجمعيهم و كوني جاده معهم و قولي لهم ان ماما تعبانه ولازم ترتاح هالوقت..

و اسأليهم عن السبب اللي يخليهم يجوا بالليل.. إذا كان خوف طمنيهم و قولي لهم

انك دايماً صاحيه و غرفتك قريبه منهم و كل شوي تمري عليهم و ان مافيه شي يخوف..

و عالجي سبب الخوف.. إذا كان تركك لباب غرفتهم مفتوح بيطمنهم افتحيه..

و إذا كانوا خايفين من الظلام اشتري اباجوره و خليها مضآءه طول الليل..

و إذا كان الهدوء الزائد في الليل يخيفهم شغلي في غرفتهم قران بصوت منخفض لأنه بيطمنهم..

و علقي لهم لوحه في الصاله فيها صورهم و اللي ما يجي في غرفتك تحطي له صح تحت صورته..

و إذا كمل اسبوع يكون له مكافأه بسيطه (يطلع معك مشوار أو تعطيه شوكلا أو فلوس) حسب امكانيتك..

و كثري من مدح الطفل اللي ما يجي بالليل (عشان يغاروا منه)..

مثلاً " ماشاء الله فلان صار كبير و ينام في غرفته"

أو "اليوم أكثر واحد عجبني فيكم فلان يستاهل الهديه و احضنيه و بوسيه"

و ركزي على طفلك الكبير لأنه هو قدوتهم و غالباً يقلدوا حركاته..

الله يحفظهم لك من كل شر و تشوفي اولادهم..