كان الدور بيجيني واتزوج لكن .. - منتدى عالم الأسرة والمجتمع

14-11-2007, 02:10 PM

#11

غموض السنين

عضو مميز

تاريخ التسجيل: May 2007

المشاركات: 2,173

هلا والله وغلا بالعام

وينك يااختي اختفيتي

وربي شكيت بموضوع خطبه ودعيتلك ان الله يسهلها لك

والحمدلله حدسي بمحله

اما عن خطيبك او اسمحيلي اسميه (عريس الغفله )

ماراح اقولك مثل بعض الاعضاء يمكن واسالي

كلمه ورد غطاها العريس مايصلحلك نهائي

والحمدلله انك استخرتي عشان تعرفين ان شاء الله هذي نتيجه استخارتك يالغاليه

ماابغاك تزعلين من صراحتي

لكن تعرفين انك مثل اختي ومابغالك الا كل خير

صراحه الرجال من بدايتها داخل على طمع وهو تربيه عياله ولايتشرط بعد

المفروض تنازل عن شرطك مقابل تنازلك عن حاجات كثيرة عشانه وعشان عياله

وبقولك حاجه الرجال الى ياخذ بدون مايعطي ماتصلح الحياة معاه نهائي

وهذا شكله ياخذ ومايعطي

وصراحه انا مومقتنعه ان حرمته الاولى تطلقت بس عشان اكمل الماجستير

واذا انتي نفسك فيها ونفسك تاخذينه كلام ابو ربيعه صح لازم لازم لازم تسالين طليقته او اي احد يعرفها لان صراحه هالرجال بالعربي من كلامك مارتحت له

وترى الاباء دايما عندهم الحاسه السادسه لصاار الموضوع يخص عيالهم

ودام ابوك قالك كذا فكري بكلام ابوك مليون مرة

ولاتنسين ياحبيبتي وبعد عمري انتي يالعام انك مريتي بتجربه قبل كذا زواج صعبه لاتكررينها بااصعب منها الا اذا كنتي متاكدة من الرجال زين وسبب طلاقه الاساسي

لاتخلين شبح طلقك وتفكيرك بالزواج يخليك تغلطين غلطه كبيرة بزواجك من واحد مايستاهلك وياخذ ومايعطي ويبغاك مربيه لعياله

وبعدين والله والله مو مجامله والا اكذب عليك عشان انفخك

انتي توك صغيرة 24 سنه العمر قدامك والفرص ان شاء الله تجيك احسن منه بكثير

عارفه طولت بردي لكن والله من غلاتك وماابغاك تصلحين غلطت زواجك الاولى بغلطه زواج ثاني اغلط منه والله اعلم

اكثري من الاستخااااااااااارة وشوفي ربي وين يوصلك

ونفسيتك لاتخلينها تتعب والا شي ولاتضايقين روحك يالغاليه

الى جابه باذن الله اذا ماكتبلك معه نصيب يجيب غيرة ان شاء الله واحسن منه يارب

وفكري دايما انك احسن من غيرك مليون مرة ماشاء الله واحمدي ربك على هالنعمه

لانك ماشاء الله تنخطبين هذي نعمه بحد ذاتها ربي ولك الحمد

والله يكتبلك الخير وين ماكان اللهم ااااااااااااامين

علمينا بقرارك النهائي بعدين

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:36 AM.

روابط سريعه