ياحبيباتي والله انكم عورتوا قلبي .. بس تدرون انتوا شويه متحسسين من الموضوع بزياده الزواج استقرار ووناسه بس مو كل الايام لان حتى الحياة العاديه يوم لك ويوم عليك والمتزوجه اللي تقول لكم لا تتزوجون تلقونها ضايق صدرها من زوجها ولا مسوي لها شي وزعلانه وخبركم حريم هالايام ولا شي يبين بعينهم الا ما رحم ربي يعني يوم راضيه وعشره زعلانه ويوم تشوفينها ما تقول شي في خير بس تتحلطم .. كبروا قلوبكم وتقبلوا الكلام ولا بكره كيف بتعرسون وانتوا تتضايقون من اصغر الكلمات والدعاء يحز بخاطركم .. تأكدوا ان اللي يدعيلكم يبيلكم الخير ويتمناه لكم ويحبكم وحتى لو الوحده قالت لكم وش لكم بالزواج يمكن تكون تحبك وخايفه تنضرين بس هي موقاصده الكلمه وتلقينها يوم تعرسين فرحانه لك وايد وايد .. الزواج سنه الحياة والله يرزقكم كلكم وخوات زوجي ان شاء الله والله جميع المسلمات .. انا عندي في بيت زوجي عينات نفسكم والله اني احب لهم الخير وايد وكلهم مثل خواتي واتمنى انهم يتزوجون ونفرح فيهم .. بس ساعات لم ازعل من اخوهم ولا شي يجيبون طاري الزواج تلقوني اقول لهم وش لكم بعوار القلب على الاقل تسوين اللي تبونه من غير محد يتدخل فيكم .. ويردون علي انتي جربتي وما تبينا نجرب او ساعات لم يتعاطفون معاي بالموقف يقولون صح كلامك وساعات يعترضون يعني هي مجرد سوالف تنقال ولا تحطونها في بالكم .. واسفه طولت عليكم بس صدقوني حاسه فيكم وباللي تقولونه والله يرزقكم من سابع سما بالزوج الصالح والكريم والعفيف اللي يسعدكم ويخليكم ما تقولون يا ريتنا ما تزوجنا وتحياتي لكم واسفه على الاطاله

__________________
Nweerh