اختى الغالية انا حملت بعد 5 شهور زواج و الحمد لله و انا حاليا فى شهرى الرابع
انا كنت عاوزة اقول لك على نصيحة صغيرة اولا ما نتستعجليش و سيبى الموضوع ده لربنا و انا هقول لك على تجربتى الشخصية
انا و زوجى كان نفسنا ان موضوع الحمل ده يحصل و حاولنا لمده شهرين و ربنا لم يرد و كنا بنحسب امتى التبويض و نحاول فى الايام دى و كان بدون جدوى و بعدين اكتشفنا ان السبب الرئيسى كان تفكيرنا فى الموضوع ده بطريقة مستمرة و كمان ان احنا كنا بنحاول كل يوم او يوم اه و يوم لا و طلع ان كل ده غلط و ده بكلام الدكتور
و قررت انى فى الشهر التالى اخبى على جوزى معاد الاباضه امتى خصوصا ان كمان انا عندى الدورة كانت غير منتظمة و فعلا عملت كده و مارسنا حياتنا بشكل طبيعى و شلت الموضوع من دماغ جوزى بلاخص لان كان تفكيره فى الموضوع بياثر جدااااااا صدقينى
و فعلا ربنا اراد و فى الشهر التالى كنت حامل .... بس دى ارادة ربنا قبل كل شئ و كان بعد انتهاء دورتى باربع ايام بالظبط
اللى عاوزة اقولهولك سيبى الموضوع ده لربنا و متفكريش فيه و خلى جوزك بالذات ينساه و ان شاء الله ربنا يرزقك