مساء الخير عليكم جميعا معلش بعدت عنكم اليومين اللى فاتو عشان طبعا كنت فى بيتى بنضف عشان جوزى جاى الجمعة بأذن الله و كمان تتضيفة العيد عموما اتمنى انكم جميعا تكونو بخير و سعادة انا بقى لسة الدورة ماجتش و ان شاء الله اصوم وقفة عرفات بس انا مش عارفة ايه كل التأخير ده كدة حتكون متأخرة 4 ايام انا بجد قلقانة و مش عارفة ليه كل ده و الست الاستاذة دى ناوية تشرفنى امتى بقى

زهور الجميلة انتى مختفية على طول و عيب كدة انتى بجد بتوحشينا قوى

شوشو حبيبتى ربنا يخليكى

برشا الجميلة يا حبيبتى انا و الله اذا فى ايدى اى شئ حتى و لو صغير عيونى ليكم و يا رب يا رب يا رب تكرمنا ككككككلنا ان شاء الله

حبيبتى مشاميشو انا عملت الصبغة عشان اتأكد ان الانابيب سليمة و الدكاترة اللى رحتلهم فى الكويت كانو مش حيعملو اى حاجة معايا الا و انا عاملة الصبغة فقلت اعملها قبل التلقيح و اذا كان فى سدد ممكن تفتحه و اذا مافيش فهى مش حتضر ة اذا الدنيا مسدودة على الاخر يبقى مش حعمل التلقيح يعنى تفتحلى سكة و ان شاء الله خير و شكرا على نصايحك الغالية و ان شاء الله كله ممكن يتعمل ماعدا انى اهدى اعصابى لانى اذا حصل لاى حد حاجة باخدها على اعصابى و ربنا يستر عموما ان شاء الله لما اعمل التلقيح حقولكم عشان تدعولى و ان شاء الله ربنا يكرم
ربنا يكرمك على الرقية و موضوع علاج العقم ربنا يكرمك على اد تعبك
انتى ساكنة فين فى الكويت؟

غموض الجميلة ربنا يكرمك يا حبيتى و ان شاء الله ذى الايام دى تكونى فى بيتك متهنية و سعيدة مع فارس الاحلام

الزاجلة ربنا يفرح قلبك بشوفة ابنك اة بنتك بأذن الله و يهون باقى اشهر الحمل عليكى ان شاء الله

غلا جلاجل ربنا يشفيلك ابنك ان شاء الله و يطمن قلبك عليه و يفرحك بشوفة طفلك التانى بأذن الله

ميا ربنا يعود عليكى الايام على خير و تفرحى ان شاء الله بشوفة ابنك ياااااا رب

حلمى حبيبتى سيبى تكالك على الله و ان شاء الله ربنا يكرمك بساعة ولادة متحسيش بيها و تضحكى على نفسك انك كنتى قلقانة و عموما من دلوقتى يا حبيبتى بندعيلك ان ربنا يكرمك و يسهلك ولادتك بأذن الله
و عن وجع رجلك شغلى عليها دش ماية سخنة تستحمليها و ادهنيها ابو فاس و اتدفى فى السريى الى الصبح اذا كان برد يطلع و تقلص العضلات محتاج لسخونية عشان ترجع العضلة لمكانها تانى و ان شاء الله ربنا يسرع بالشفاء بأذن الله

ملوكة الف سلامة عليكى و ان شاء الله مامتك توكن احسن الحمد لله

سعود الجميلة طبعا جوزك حيتهبل لانك جميلة و ازدتى جمالا ربنا يسعدك و يفرح قلبك برؤية زوجك ان شاء الله

زهور حبيبتى تروحى و ترجعى بالف سلامة بس ليا سؤال هو فى معمول فى العيد الكبير؟ احنا عندنا بنعمل الكحك بس فى العيد الصغير
و ليا طلب لما تروحى ان شاء الله لزيارة الحبيب قوليلو ريهام بتحبك قوى قوى قوى و نفسها تيجى لحد عندك و ان شاء الله ربنا حيكرمنى قريب باذن الله

ماسا حبيبتى ربنا يعوض الشهر القادم بأذن الله و الف حمد لله على سلامو جوزك و ان شاء الله الكلوميد يعمل عمايل الشهر دا بس اهم حاجة تتمرنى عشان المباريات

فيفى ربنا يكرمك و يفرح قلبك و يعدو عليكى الايام بصحة و سعادة ان شاء الله

اندينا الغالية الف سلامة على مامتك و ان شاء الله كله حيكون فى ميزان حسناتها و ان شاء الله تسمعسنا خبر جميل يفرح قلوبنا كلنا ان شاء الله

كل سنة و انتم بخير و بصحة و عافية و ان شاء الله لما يهل علينا العيد السنة اللى جاية كل واحدة مننا تكون محققة كل اللى تتمناه بأذن الله
تحياتى و قبلاتى ليكم ككككككككلكم

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة