دامه من الرياض
اعرفى ان اهل الرياض فيه منهم حضر وفيه منهم قبائل وكل واحد وله عاداته وتقاليده

بعطيك بعض الحالات وانتى حددى
أعرف اثنين من زملائى من حضر الرياض كان زواجهم كالتالى .........كل واحد عزم اعمامه وخواله والعروس عزمت اعمامها وخوالها وعرس وحفله مصغره فى بيت العروسه او استراحه صغيره اختصر فيها كثيييييير والى كان بيدفعه فى صاله افراح بكل تكاليفها جهز فيه بيته احسن اثاث وسافر فىها شهر العسل احلى سفره ومافيه ارووووع من كذا مع العلم انهم مقتدرين ومبسوطين والمسئله مو مسئله بخل او عدم مقدره لاكن انا اشوف انهم ناس فاهمه وبصراحه هذا هو الى وصانا فيه الاسلام
ملاحظه : مو كل الحضر يسوو كذا بالعكس فيه اعراس من حضر الرياض فى ارقى الصالات والى قلته فوق فئه قليله

عكس القبائل من سابع المستحيلات يسوون كذا لانه يعتبر عندهم عيب كبير فى حق العريس واهله لان القبائل تحكمها اعراف وعادات ما انزل الله بها من سلطان بل بعض القبائل اذا خطب الخاطب مستحيل يشوفه عروسته حتى فى العرس ما يشوفها يشوفها اذا اخذها الفندق وانت وحضك
و زواجات القبائل فى الرياض حسب علمى نوعين منهم العريس عليه الملكه والعرس
ومنهم العريس عليه الملكه وابو العروسه عليه العرس شامل كل تكاليفه والباقى على العريس انه يجهز الشقه

هاذى كل معلوماتى عن اهل الرياض ان شاء الله يفيدوك اكثر اهلها

واخيرا بسالك سؤال انتى وش رايك بفستان سعره 50 الف بصراحه بينك وبين نفسك ( مو حرااااام ) ما يعتبر تبذير فى نظرك التبذير شين ولا ماودك ربي يبارك لك فى حياتك انا ما اقول ابخلى على نفسك لاكن فى نفس الوقت حنا لازم نشوف اعراس الأجانب كيف عرس بسيط وحفله بسيطه وفستان ايجار يعني النصارى طبقو تعاليم دينا وحنا الله يخلف وبما ان مجتماعتنا مجتمعات مظاهر خذى شي معقول حول الـ 15 مثلا ( تعتبر كثير بعد ) لاكن الخيار لك اسألى عن اسعار الفساتين فى السعوديه تفصيل وجاهز واجيار اكيد راح يفيدونك المنتدى مليااااان

والله يتمم لك على خير

تحياتى