في حكمه اختي تقول
( حياتك من صنع افكارك )
الله عزوجل ما أمرنا بالضعف والمسكنه واسقاط تعاستنا على ظروف الزمن
وتقلباته أبداً , هل عمرك شفتي النبي صلى الله عليه وسلم يشكي ويولول
ويندب حظه بالدنيا ؟
ابداً
لأنه كان الصابر على اقدار الله حلوها ومرها
هو مأجور في الحالتين
يمكن يكون كلامي صعب عليك لكنه والله من حرصي عليك مثل حرصي على اختي
انتي قعدتي فتره طويله حيل فيج روح الانهزاميه وتعيشين حياة اقرب للاحباط
وهذا شي غلط .. هذا بروحه كفيل انه ينفر الناس منج حتى لو كانوا اهلج
التفاؤل والثقه بالنفس تعطي جاذبية للانسان وتلف الناس حوله
سواء كان وسيم او عادي او مقبول حتى
كثير في بنات جمالهم اقل من العادي ويمكن بعد ماعندهم جمال بالمره
لكنهم متزوجين رجال وسيمين او عاديين ومتهنين
اكيد في هالبنت امور ايجابية حلوه اجذبت اهل زوجها لها بحيث خطبوها لولدهم
المرح مطلوب
والتفاؤل مطلوب
والاهتمام بالنفس مطلوب
والاناقه مطلوبه
وحسن المنطق مطلوبه
الحين زمنا هذا والله ماهو زمن المظاهر
الحين حتى الشباب يبون المرحه المتفاءله القنوعه
يعني في فئة كبيرة تهتم بالجانب الروحي بالشخصية قبل الجانب الشكلي
قعدي مع نفسك جلسة صراحه
وعيدي برمجة حياتك من اول ويديد
اخلصي النية لله عزوجل
واستغفري من ذنوبك واستغفري من التسخط على اقدار الله
وجيبي ورقة وقلم
وكتبي فيها ايجابياتك وحطيها وكبريها بورقة وعلقيها في دارك بحيث تشوفينها
لي صبحتي ولي مسيتي حتى تعطيج الدافع الحلو للحياة
وورقه ثانية كتبي فيها سلبياتج بكل وضوح
مثال :
1. التسخط المستمر .
2. الاهتمام بما عند الغير .
3. السلبية .
4. الصمت السلبي .
5. الحزن الدائم .
6. الانطوائية .
وووو
آنا ما اقصد ان هاذي عيوبك لا والله
لكن اعطيك مثال
وحاولي من اليوم ومن هالدقيقة تتخلصين من كل خصلة سلبية وتستبدلينها
بايجابية ... مو عشان سواد عيون الناس عشانك انت أول وعشان ربك سبحانه
وذيك الساع بتكونين انسانه ايجابية مرحه تنجذب لج الناس وتهتم فيك
إن شاء الله ما اكون قسيت عليك
بس انتي محتاجه من يكون صريح معاك اختي .
والله يوفقج للأحسن ويسخر لج الخير وين ماكان
ويبدل حزنج فرح وسرور
ويرزقج الزوج الصالح امين .
30-12-2007, 09:48 AM
ضوابط المشاركة
العرض العادي
