نورة
أنا وأنت بيننا يومين أو أربع تقريبا ...
أجاوبك على اسئلتك بدل سالي ...
حركة بنتي مرة مرة مرة كثيررررررة ماشاء الله حتى صرت أفكر أنها ولد من كثر الحركة ما تخليني بحالي أبد ... !!
وألحين على السابع صارت حركات بارزة يعني وأنا أشوف بطني أشوف أجزاء كالعة من بطني وأشياء داخلة
وبالنسبة لألام الصدر أنا ما حسيت بألم بس بصدري اليمين طلع قبل أمس سائل شفاف وبدون ريحة , بس يوم طلع مرة ارتحت صحيح كنت خاااااايفة مرة بس خفف الثقل إلي بصدر ..
وسألت عنه طلع طبيعي .. فتمنيت يطلع من الثاني كمان ويقل تحجر صدري الأيسر ..
أمممممممممم أيش كمان سألتي ..
أها وزني زاد تقريبا 9 كيلو .. بس خلال السادس والسابع أكثر شي , أول مازاد وزني كثير ألحين بدأت الكرشة تطلع رسمي رسمي ..
بس ساعات أقول يمكن من الجلسة بالبيت لأنو ماصرت أروح للجامعة إلي أمشي فيها كثير إلا ساعات الاختبار وأرجع للبيت أما نايمة وإلا نايمة وإلا نايمة وإلا أدرس
بس الالسترش ماركس : أمممم ماأدري والله يمكن برزت بس مو كثير .. أكثر شي الخلفية كبرت ... آآآآآآآآآآه بس الحمد لله على كل حال

..
أيش كمان بدأت أستغل الفرصة فرصة التخفيضات وشريتلي كم لبس لبيبي ..
وكمان بفكر بعد اختباراتي أخلص كل أغراضي قبل ما أثقل مرة .. لأني صايرة إذا طلعت مشوار لو صغير أنام بالسيارة وأفتش وجهي عشان أقدر أتنفس بديت أحتاج كثثثير اكسجين ..
وأيش كمان !!
سويت جمعية عشان تكاليف الولادة ’ وإذا وفرها زوجي عشان أقدر أجيب فيها شغالة تساعدني خاصة أنو الصباح ما أعرف وين أحط الببيبي وأنا رايحة للجامعة , وماما مدرسة بمدرسة , وأم زوجي بيتهم بعيد وبناتها يحطوا عيالهم عندها ...
الله يعين ..
صار دفتر مذكرات ماصار منتدى
__________________
اللهم لك الحمد كما يليق بجلال وجهك وعظيم سلطانك
انتبهوا على ردودكم
يقول الله تعالى : " لاخـير في كثيرٍ من نجواهم إلا من أمر بصدقةٍ أو معروفٍ أو إصلاحٍ بين الناس ، ومن يفعل ذلك ابتغاء مرضات الله فسوف نؤتيه أجراً عظيماً "
قال النبي صلى الله عليه وسلم: ليس منَّا من خبب امرأة على زوجها أو عبدًا على سيده. رواه أبو داود وغيره