خطوات صبغ الشعر بالمنزل .. - منتدى عالم الأسرة والمجتمع

22-02-2008, 12:35 AM

المصرية

عضو متألق

تاريخ التسجيل: Mar 2006

المشاركات: 5,125

المرحلة الثالثة
اختبار الصبغة

ساعات بتختاري لون معين من الكتالوج بتاع الصبغة ولما تيجي تعملي اللون ده تلاقيه مش مناسب أو تلاقي إن الدرجة دي مش هي نفس الدرجة اللي أنت عايزها...

وعلشان تتفادي المشكلة دي ياريت تجربي تصبغي خصلة واحدة من شعرك وبعد كده شوفي إذا كان اللون ده هو اللون المطلوب ولا لأ
لمرحلة الرابعة
تجهيز أدوات الصبغة

بعد ما اخترتِ اللون المناسب هتبدئي تجهزي أدوات الصبغة وكل اللي هتحتاجيه:

1- علبة الصبغة باللون المناسب.

2- جوانتي بلاستيك علشان تحمي إيدك وأظافرك من التلون بلون الصبغة.

3-علبة فازلين ودي علشان تدهني بها حدود وشك وتدهني رقبتك كمان وده لحمايتهما من لون الصبغة.

4-ملابس قديمة علشان تلبسيها وأنت بتصبغي شعرك واوعي تنسي الفوطة الكبيرة علشان تحطيها على كتفك.

5-مشط بأسنان رفيعة.

6- مساكات للشعر.

7-فرشاة الصبغ.
المرحلة الخامسة
كيف تستخدمي الصبغة على شعرك

دلوقت بقى يا قمر أهم مرحلة وهي إنك تبتدي تصبغي شعرك ..

تعالي نشوف ازاي...

1- حضري الصبغة زي ما بيكون مكتوب على العلبة بتاعتها من بره أو في النشرة الداخلية ليها.

2- قسمي شعرك إلى أربع مناطق من الأسفل إلى الأعلى وامسكي كل جزء بمساكات الشعر.

3- هات فرشاة الصبغة وحطيها في الصبغة وبعد كده ابدئي في توزيع الصبغة على شعرك من بداية نمو الشعر وياريت تبدئي بخصلات شعرك الخلفية.

4- بعد ما تدهني خصلة شعرك كويس بالصبغة هات المشط ومشطي الخصلة دي وبعد كده لميها بمساكات الشعر وكملي باقي شعرك بعد الانتهاء من الخلف اتجهي إلى المناطق اللي على جنب وبعد كده اتجهي إلى الأمام.

.........................

6- خدي بالك وأنت بتوزعي الصبغة على شعرك إنك تحطي كمية كافية لكل شعرة وتصبغيه جزء بعد جزء ويكون التوزيع مساوي جدا وإلا شعرك هيطلع فيه أكثر من درجة من نفس اللون ومش هيكون كله لونه واحد.

7- بعد انتهاء الوقت المطلوب اللي بيكون مكتوب على العلبة بتاعة الصبغة اغسلي شعرك بمياه فاترة كويس أكثر من مرة لغاية ما تزول الصبغة من على شعرك وبعد كده اغسلي شعرك بالبلسم المخصوص للعناية بالشعر المصبوغ اللي عادة بيكون موجود في علبة الصبغة نفسها سيبي البلسم على شعرك لمدة خمس دقائق وبعد كده اشطفي شعرك بالمياه الفاترة وبعد كده الباردة.

8- خدي بالك إنك مش هتقدري تحكمي على لون الصبغة إلا بعد ما شعرك ينشف.
بس يا ستي دي كانت أحسن الطرق لصبغ الشعر

عفواً تم تعديل العنوان ليكون بالفصحى..

__________________

التعديل الأخير تم بواسطة نظرة أمل ; 24-02-2008 الساعة 03:58 PM السبب: حذف محظور شرعي + إعادة طمس الصوره.

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:31 AM.

روابط سريعه