بسم الله الرحمن الرحيم



السلام عليكم و رحمة الله و بركاته



ذكرت في العنوان لفظة ( عانس ) لأني بديت استسيغها


انا ( عانس ) ولا مفر !!



و بصراحه ألي خلاني أكتب هالموضوع هو أني توني طالعه من مشكله مع أبوي

مالي ربع ساعه بس << من كثر مشاكلي صرت أتأقلم بسرعه


أما بالنسبه لعلاقتي معاهـ حاليا هي لازينه ولا شينه

يعني عادي جدا

صح أني حاقدهـ عليه لكن مهما كان مالي ألا هو

لازم أتمصلح وياه ألين يفرجها ربي و أفتك


وبالنسبة للبقيه

أمي أعزها وااااجد ولو أن فيه مشاكل بينا يتخللها بعض العبارات ألي تذكرني فيها أني ( عانس )

و بعض الدعوات ألي تعودنا عليها !!


و اخواني منشغلين بأنفسهم و قليل ما أجلس معاهم

و مع ذلك تصير لي معاهم مواقف بس الحمدلله مو مرهـ


أما خواتي علاقتي فيهم أحلا شيء

أحس لولا وجودهم في البيت كان يمديني أنحشت من زمااان



بس من جد انا هاديه وفي حاااالي

لكن إذا كلمني أحد يا ويله !!

صرت حساسه من أي شيء و بالذات لو انظلمت









و دائما أفكر لو كنت طالعه من بيتهم ما كان هذا حالي

لكن شكل لأني طولت عليهم ( و عنست ) ببيتهم نزل قدري عندهم


و حسبي الله على كل من كان له يد بـ( عنوستي )

قريب كان أو بعيد !!