بسم الله

راح ادخل في موضوع على طول توني قريت في موقع طبي عن سرطان المبايض

وارتعبت بموت والله وانا ملكتي بعد اسيوع وربي منهاره تعالو تكفون ابي احد يفهمني

بقلوكم بالحاله بالاول انا الحمدالله الدوره الشهريه عندي منتظمه دايما عمرها ماتخربطت ولكن من فتره الشهرين او الثلاثه شهور بدت عند كل دوره تجيني غازات

من اول ايام الدوره بطني تنتفخ واحس بالم وغازات فضيعه تذبحني تنتفخ وتبهذلني اخر بهذله ويكثر التبول عندي اثناء الالم والغازات وتجي الغازات اول يومين من الدوره الشهريه وبعدين تروح ولكن الحين في اغلب الايام احس ان في بطني غازات وان في منطقه الرحم احس بتورم خفيف على الجهة اليسرى يعني كذا فوق الفخذ بمسافه 7 سانتي واحس كل ماضغط على المنطقه احس بالغازات ياربي وربي بموت خوف وانا ماقدر اروح عند الدكتورة وانا بنت توني ابغى اتزوج بعدين بروح بموت خوف توني قريت عن سرطان المبايض

جاوبني يابنات في احد مثلي تكفووووووون وربي منهارة

وينكم افيدوني

حبيبتي ما تتوسوسين ماعليكي الا العافيه
الدوره كل ما تيجي تعمل غازات واسهال بعد يعني الي تمرين فيه شي طبيعي بعدين كيف بطنك ما تبينه ينفخ وهو فيه غازات
لكن اذا ضليتي شاكه مع انه متأكذه انه وسواس لا اكثر ولا اقل
روحي الطبيبه
وفقك الله لكل خير
في رعايه الله

__________________
سبحانك اني كنت من الظالمين

هلا فوفو اشكرك اشكرك على ردك والله اني مرعوبه

بس الى انا مستغربه منه هو اني من اول مكان فيني كذا ابدا وانا عمري الحين 25 سنه بس خلال هذة الشهور ولمن اضغط على منطقه الرحم احس بتورم بسيط

والله خايف هل كل البنات مثلي

ردوووو بنات 15 زياره وحد رد غير فوفو علي تكفوووووون لاتهدوني بس قلولي انتو مثلي ولالا وهل التورم بمنطقه الرحم خطيره ولالا

ان شاء الله ما فيك الا العافية يارب
ومو مشكلة لو زرتي الدكتورة المختصة الآن عشان تساعدك بعد الله افضل من انك تظلين بهالقلقل وتشوفلك حل لهاالمشكلة وانا متأكدة ان شاء الله ان ما فيك الا العافية
الله يوفقك يارب

يبنات ماقدر اروح عند الدكتوره وانا بنت ماحب تكشفني اقرف واخاف بس ساعدوني بليز احد مثلي

كلنا والله زيك
بس روحى لدكتور واعملى اشعه على الرحم
عشان ياحبيبتى تطمئنى

__________________

أرجوك حبيبتي شو هالكلام كلنا بيحصل معانا نفس الشئ لا تروحي الطبيبة و لا شئ
تتصوري السرطان سهل اللهم احفظنا ما فيك إلا العافية بعدين السرطان بتكوم المرأة طول الشهر مو نظيفة و مو معروف مصدر الدم

__________________

اختي انشاء الله مافيك الا العافيه بس انتي لا توسوسين.. ويمكن سبب الاختلاف في آلام الدوره هو انك متوتره بسبب اقبالك على الزواج وتذكري قول الرسول عليه افضل الصلاة والسلام : "لا تمارضو فتمرضو فتموتو" وبعدين الله يهديك رحتى للسرطان على طول .