هلا فيج حبيبتي
بالبدايه ماعليج امر وضحي لي هالنقطه يجوز فهمتها غلط انتي قلتي ببداية كلامج
اقتباس:
المشاركة الأصلية كتبت بواسطة فراولة بالتفاح
تخيلو بنكمل أسبوعين ماكلمنا بعض مكالمة طويلة؟؟؟
|
وبردج الثاني قلتي
اقتباس:
المشاركة الأصلية كتبت بواسطة فراولة بالتفاح
خلال المكالمة، يطول معي كثير ونجلس بالساعات لدرجة يدي تتعب وأمل منه بس ما أبين الشئ هذا،
|
يعني انتي تبينه يطول في مكالماته ؟؟
ولا تبين نوعية المكالمات تختلف ؟؟
ولا شقصدج بالضبط .. لان التبست علي السالفه هني
طيب تقولين انج دللتيه ودلعتيه وهو مبسوط
مع اني اشوف فترة انكم ماتكلمون بعض بالثلاث ايام صعبه شوي ؟؟ شالمانع يعني ؟؟
حتى لو دقايق يطمنج عليه وتطمنينه عليج ماتفرق ..
بعدين هو بيحس باهتمامج اكثر بهالطريقه
حاولي تعرفين عن شغله اكثر .. مو بالتفاصيل عاد .. ام يعني مثال
عرفتي عنده اجتماع ,, او دورة .. او اي شي يخص شغله
بيني له انج معتمه .. وساليه عن اجتمعه ودورته
لا تتقصين عن اخبار شغله بالتفصيل .. مجرد رؤوس اقلام .. ولا تلحين الرياييل مايحبون تنفرض عليهم الاسئله بروحهم يتكلمون من انفسهم وايد افضل
حسيتج حبيبتي متضايقه .. تحسين انج تضحين بوقتج مرات .. وانتي مشغوله عشان تكلمينه
وقلتي تتعبين وانتي تكلمينه بس ماتحسسينه ..
هالضيق اللي قيج .. من عدم تقديره لتضحيتج .. وهالشي اذا ماحليتيه الحين راح يتراكم
وعلى اي مشكله بسيطه او حتى شي تافه راح تنفجرين ..
قولي له .. حبيبتي تراي مشغوله الحين .. او فديتك تراي تعبانه من قومتي للصبح ماريحت بس ما ابي انام قبل ما اسمع صوتك
يعني قولي له شفيج .. انتي شنو حاسه فيه .. لا تضغطين على عمرج
وبعدين لما يتعود انج تتفرغين له .. وانتي ماعاد فيج تتنازلين اكثر راح يحس بتغيير فيج
وبيسألج شفيج
هذيج الايم ماكنتي ترديني .. ماكنتي تقولين لا .. ماكنتي تقولين بنام ..
سبحان الله مع انها اشيا طبيعيه بس لانج ماعودتيه تقولينها له
اصلا بالعكس .. اذا تمللتي من هالكمكالمه الطويله ,, او كنتي تعبانه او شي
دلعيه بشوية غزل .. وودعيه ..
لا تخلين مكالماتج تطفي كل الشوق اللي فيه
خلي جمر الشوق والع ..
ماتبينه يسكر من عندج وهو بعد متملل ..
بالنسبه لاخوج ممكن تستغلينها فرصه
انج تقولين له وتتفقين معاه عن الوقت وكل التفاصيل .. وتحسسينه انج زعلانه منه بس على خفيف .. غيري من اسلوبج .. مثلا اذا انتي متعوده تدللينه بكلمة .. نقول "حبيبي" لا تقولينها بهالمكالمه .. خل يحس بتغيير منج .. وهو شلون بيدري انتي زعلانه ولا لا لو مالمحتي له .؟
انا بصراحه مو متزوجه ولا مملكه ولا شي .. وبانتظار اللي اكبر مني وافهم مني
وخصوصا ام جمانه فديتها .. احب اقرا حلولها
بس ان شاء الله افدتج
__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك
18-03-2008, 03:28 PM
ضوابط المشاركة
العرض الشجري