yoyojoe
اختي الفاضله

بارك الله فيك

بصراحه شدني كل ماكتبتي

ونعم هذا ما انصح به قراءه كتب في فنون التربيه وحبذا الكتب الاسلاميه لكتاب مسلمين ..

وبصراحه ما نقلته رائع

وننتظر منك المزيد

لعل به خيرا كثيرا

شكرا لك وبانتظار عودتك باذن الله ..

__________________
سبحان الله وبحمده سبحان الله العظيم

السلام عليكم و رحمة الله و بركاته
جزاك الله خيرا اخي السيف المهند
اسمح لي ان اناقش معك اساليب التربية التي ذكرتها
أولا اسلوب الشدة و الضرب
احب اضيف على العيوب اللي حضرتك ذكرتها ان الشدة مغريه لأنها تمثل حل سريع للمشكله يعني مثلا انت بتضرب ابنك عشان ميلعبش الكرة في البيت فهو حيبطل في ساعتها و لكن في اول فرصه انت تنام فيها او تخرج و تسيبه حيبهدل الدنيا فهو حل سريع صحيح و مغري و لكن زي المريض اللي بياخد مسكن بدل علاج و احب اضيف كمان انه بيعلم الكذب و دي نتيجه انا اضمنها بنسبة 100% لأصحاب الأسلوب دا
المشكله في الأسلوب دا ان ساعات بيفرض علينا فرض لأن مش احنا اللي بنربي بس لأ دا المدرسه و النادي و الصحاب يعني انت تكون معتدل و تتعب في اختيار مدرسة ابنك و تلاقي المعلمه هناك بتصرخ في الولاد و الغريب يا أخي انها تربويه انا شخصيا رحت اكلمها بلطف و ابتسامه على امل اني ارقق قلبها ردت و قالتلي اصلهم مخلولناش حاجه الضرب ممنوع و الشتيمه ممنوع فاضل ايه ( و زودت اصلي معنديش نادي اقوله مش حوديك النادي لو مكتبتش) كارثه و حتأثر في ابني و في غيره كتتتتتتتتتتتتتتتتتتتتتييييييييير للأسف و دي مدرسه في حي من ارقى احياء مصر و لو سألت عليها يقولولك ايه الجمال دا دي مدرسه روعه
الأسلوب دا كمان مشكله للي اتربى بيه بمعني انت بتربي زي ما تحب و زي ما تخطط لكن ساعة الغضب او العصبيه للأسف بتربي زي ما اتربيت يعني لو انت مش عاوز تضرب ولادك ممكن ساعة الغضب الشديد تلاقي نفسك ضربتهم عشان انت اتربيت كده و دا مش عذر طبعا بس بيحتاج تدريب و تحكم عالي عشان ربنا يعينك على نفسك و تبطله و احيانا لو انت اتربيت كده بتتبع اسلوب التدليل تماما كرد فعل لتربيتك و دي مشكله تانيه نتكلم عنها في وقتها ان شاء الله
الغريب اللي كان بيحيرني ان جدودنا كانو احسن منا وكانو اكثر ادبا و اكثر برا و زمنهم الزمن الجميل اللي كله خير و محبه أغلبهم اتربى بالأسلوب دا بس بعد تفكير تنبهت للمقوله ( لا تؤدبوا اولادكم بأخلاقكم لأنهم خلقوا لزمان غير زمانكم) اعتقد ( و لست متأكدة ) انها كانت لسيدنا على ابن ابي طالب رضي الله عنه فقلت بيني و بين نفسي فعلا الزمن غير الزمن دلوقتي بيربي معاك التليفزيون و الإنترنت و الأصدقاء على اختلاف بيئتهم و المدرسين و الغزو الثقافي زمان كانو بيضربو صحيح بس كل اللي كانو بيعلموه لولادهم صلي و متكذبش و الحاجات الأساسيه البديهيه اللي في فطرة الإنسان لكن دلوقتي المشاكل كترت و الممنوعات كترت و اكيد لو كانو في زمانا و لسه بيضربو مكنوش حيلاحقو على الولاد
طولت عليكم سامحوني و لا تملو مني
ربنا يبارك لنا جميعا في احبابنا و اولادنا و يرحم جدودنا بحنانهم و طيبة قلبهم

السلام عليكم و رحمة الله و بركاته
اسمح لي ان اناقش معك اسلوب التدليل و اضيف على عيوبه ايضا ان انت حتدلل طفلك قد ما تقدر بس الدنيا و المجتمع و الناس مش حتديله اي ميزة تانيه عن اي طفل آخر في المجتمع و محدش حيدلعه زيك و بالتالي الطفل دا لن يتمكن من الإندماج في المجتمع و لن ينضج كطفل سوي و يمكن يعتبر الناس و الدنيا كلها بتكرهه عشان مش بيعاملوه زيك معلش سامحني انت بتجني عليه و بتضيعه و اذا كنت ضامن انك حتعيشله العمر كله و تشيل عنه مسؤلياته و مسؤليات بيته و اسرته في المستقبل خلاص دلل براحتك و خوض معارك الحياه بداله و ربنا يقويك
الاسلوب دا غالبا بيطبق في حالات شاذه مثلا طفل جه على كبر او بنت وحيده على اولاد كتير او العكس او زي ما قلت قبل كده ان الأهل تربو بعنف و كرد فعل لتربيتهم اتبعوا الأسلوب دا الله اعلم و عموما ربنا يسترها على اولادنا
و السلام عليكم و رحمة الله و بركاته

السلام عليكم و رحمة الله و بركاته
بداية لنستحضر النيه لله خالصة ان نتعلم و نعلم و نستفيد و نفيد و نعين بعضنا البعض على تنشئة ابنائنا التنشئه الإسلاميه و النفسيه الصحيحه

قبل الدخول في الأسلوب الثالث اسمح لي ان اذكر اسلوب رابع يتبعه بعض الآباء و هو أسوء اسلوب و هو الأسلوب المتذبذب يعني احيانا يتبع الأسلوب الأول (الشدة ) و احيانا يتبع الأسلوب الثاني ( اللين ) و هذا التذبذب مع عدم وضوح السبب يصيب الطفل بحالة من البلبله و التشتت و الخوف و يفقده الإحساس بالأمان و يفقده روح المبادره و يخاف من الإقدام على اي فعل لأن الخطأ و الصواب امامه غير واضحين فربما يلام و ربما لا و يعد اسوء الأساليب على الإطلاق فالشدة او اللين تعرف الطفل اين يقف و ما المسموح و ما الممنوع و هكذا و يجمع الطفل عيوب الأسلوبين و لذلك يعد الأسوء
الخلاصه يجب الثبات على اسلوب محدد مع الطفل
السلام عليكم و رحمة الله و بركاته أسألكم الدعاء و اوصيكم به دائما