صالحي زوجك وراضيه قبل ماتسافري وقولي له ياحبيبي انا ماقدر استغنى عنك وماقدر على زعلك وبس ابغى اروح اسلم وارجع عشان اخوي وبنته لكن يومين بس وارجع والله ييسر لك ادعي وربي يسهلها ولا تنسي تجيبي له هديه وانت جيه

__________________

مشكورين الله يجزاكم خير
حابة اقولكم ايش اللي صار الحين قبل شوي جاني وراضاني وانا وضحت له اني انا دايما اراعي واقدر ظروفك وما اضغط عليك بشي بس لما تجي الاجازة واقولك ابغى اسافر اشوف اخوية وبنته تقولي لا ابغى اقضي الاجازة معاك والقاك مو مسوي شي للاجازة ولا تخطط لشي يبسطنا انا وعيالك كل اللي تفكر فيه في الاجازة انك تلعب بلوت وبس فقالي خلاص انا الحين رايح العب اودع البلوت وانتي وعيالك فكروا اذا تبغوا ابها او جدة نمشي من بكرة واذا ما تبغوا تسافروا امشيكم هنا كل يوم بوديكم مكان ولما اجي تكونوا جاهزين ...
الحين انا صرت محتارة وافكر انا نفسي اروح جدة عشان اشوف اهلي واشوف اخوية وكمان قبل شوي عرفت ان بنت خالتي واخوها ملكتهم بكرة السبت سوا في ليلة وحدة .. اما ابها فانا شايلاها من بالي لانه لو رحنا ابها راح نصرف واحنا ظروفنا المادية صعبة شوي واحنا مالنا احد في ابها يعني مصاريف سكن واكل وشرب ماراح نقدر عليها حتى لو يومين ...والجلسة هنا اممممممممممممم مو عاجباني .

يعني انتوا بتقولوا انتي خلاص مقررة فين تبغي بس انا محتارة هو قاللي كذا عشان يرضيني بس انا اعرفه في قرارة نفسه ماوده يمشي شبر واحد من هنا وانا ما ابغى اروح وهو شايل في نفسه شي ابغاه هو كمان يكون راضي ومبسوط مو متضايق