اه يا شمس من الخوف و ما يسببه للانسان من شل لحركته و عدم قدرته على اثبات نفسه
او ابعاد السوء و اصحابه عن نفسه
لى اسبوعين اعانى مع سيف من مشكلة الخوف ... بعض من زملائه بالمدرسه يتعرضون له بالضرب و التخويف
لهم مده ... و بحاول اقنعه ان الوسيله الوحيده لابعادهم عنه هو ان يتصدى لمضيقاتهم بنفسه بعد ما جربنا كم محاوله معهم ... و لكن لا حياة لمن تنادى .... طيب و مسالم بشكل فظيع فى زمن لا تننفع فيه الطيبه ... تعب اعصابى و خايفه عليه اوى بسبب طبيعته ده
معلش طولت عليكى و انتى مش ناقصه ... بس كلامك عن الخوف جه عالجرح
المهم يا حبيبتى ... ان الحل الاكيد لحالتك دى هو فعلا اللجوء التام الى الله فى كل لحظه بالدعاء و الصلاه
حتى تسكن نفسيتك و تطمئن بفضل الله ... و ينور بصيرتك لما فيه الخير لك بأذن الله
قومى اليل يوميا بالصلاة و القرأن لمدة و لو نصف ساعه و تاكدى انكى ستشعرين براحه و هدوء نفسى شديدين سيكون لهم الفضل فى مساعدتك مع الدعاء طبعا الى الله ان يختار لك الخيرة و يوجهك لها بكل جوارحك
ده بالاضافه الى ملاحظة احوالك مع الطرف الاخر دلوقتى شكلها ايه ... فيه خلاف او فيه اتفاق ...
اه كنت عايزة اقولك كمان عن رأى اخر فى موضوعك لزوجى لما حكيت له سريعا و سألته .. قالى تتمم الموضوع و تسافر كل التردد و القلق أو الخلاف ده سببه البعد لكن لما هاتكونوا قريبين كل شىء اكيد هاينتهى ... دى وجهة نظره
و الله اعلم
بس اللى عايزه اقوله لك ما تقوميش بأى خطوة الا و انت مرتاحه لها نفسيا و بشعور تام بالرضا عنها
و ما ذكرته عاليه هو الطريق الوحيد لذلك
اسأل الله لكى راحة القلب و العقل معا
و ان يوجهك لما فيه خيرك دائما بأذنه تعالى
15-04-2008, 06:09 PM
ضوابط المشاركة
العرض الشجري