تاخدين طنجرة تحطين فيها بصلة مفرومة + 1 و 1/2 م ك سمن بلدي
+ قطع لحم خروف ( قطع متوسطة بحجم 4 سم مثلا )
+ القليل من الحمص + 2 م ك معجون طماطم + طماطة متوسطة مقطعة
+ 1 م ك فلفل احمر بودرة + 1/2 م ص فلفل اسود بودرة + شوية كركم
+ شوية جرفة

تحطين الطنجرة على نار هادية جدا ، بعد شوي تحركين اللي فيها الين ما تمتزج المكونات عدل مدل

بعدها تضيفين مقدار 2 ك ماء ، و تخلينها تغلي ، بعد شوية ضيفي الملح على حسب رغبتج

((و اضافة الملح بعد فترة عشان اللحم يستوي لين و طري)) ، و خلها تقعد عالنار و حركيها

من فترة لفترة ، عسب اللحم يستوي ، و ضيفيلها شوية موية من فترة لفترة ، بعدها ضيفي

بعض حبات لسان العصفور مقدار 3 فناجين قهوة أو 4 ، و حركيها شوي

و خليها فترة 10 دقايق و الا ربع ساعة بالكثير ، بعدها حطي فيها مقدار ملقعة كبيرة نعناع ناشف

و اعصري عليها ليمونة حامضة .. و تتاكل ويا الخبز

و طعمتها خيااااااااااااااااااااال ، و صحة و هنا

على فكرة هاي طريقة ربيعتي ليبية ، دايم يسوونها في ليبيا و خصوصي برمضان كل ليلة

بالعافية عليج غناتي ، و لو بغيتي شي تدللي