[align=left][align=right][grade="00BFFF 4169E1 0000FF"]بسم الله الرحمن الرحيم

السلام عليكم ورحمة الله وبركاته ..

ان شاء الله كل من يقرا هذا الموضوع يكون خالي من مشاكل مع ام الزوج

<<< مع اني اشك في ذلك

راح ادخل بالموضوع على طول

بس الله يخليكم تحملوا فضفضتي شوي


واسمحولي بنبذه قصيره عن حياتي علشان يكون عندكم خلفيه عن وضعي


انا فتاة ابلغ من العمر 21 عاما تزوجت قبل سنتين من ابن خالتي ورزقت منه بطفله

بعد من الله ولطفه علينا والحمدلله على كل حال ..

خالتي الي هي ام زوج وهي بالطبع اخت امي ولكنهم اختين كأنهم توأمين

تجمعهم صفات شبيه ببعضها ولكن هناك اختلافات ماتميزهن عن بعض

المهم ان خالتي الله يعطيها العافيه عانت في بداية زواجها من مشكلات كبيره كفيلة

بنحت شخصيتها القاسيه التي هي عليها ..

شخصية خالتي غريبه جدا تحب نفسها وتحب ابنائها كثيرا لدرجة انها ممكن تظلم

اي احد على حساب انها تكون على حق هي وابنائها ..

للاسف تربيتهم خاطئه جدا لايوجد اي احترام فيما بينهم

ولكن سبحان من انجى زوجي من تلك التربيه فهو محترم جدا على درجة عاليه من

الخلق وهذا مايجعل مني زوجه محظوظه والحمدلله ..

ندخل في صلب المشكله خالتي تبلغ من العمر 45 عاما قبل اسبوعين قرر زوجي

ان نسافر انا وهو في رحله خارج المملكه لمدة اسبوع وكان هذا التخطيط سري لكي

يكمل الموضوع على خير بدون علم اهله لانه للاسف يحسب لهم 1000 حساب

فأقول لامشكله هم اهله جنته وناره ..

استأذن ابوه في اجازه لمدة عشر ايام فعلمت خالتي بمحض التخمين اننا سنسافر

ولكن زوجي لف ودار ولم يعترف لها فأخذت تهدد اننا لو سافرنا سيحدث كذا وكذا

فوافق والده على الاجاز فحجزنا التذاكر ورتبنا كل شئ .. بدون علم احد


ولكن خالتي تشم ماشاء الله على قفى يدها .. وعرفت الدوله الي بنروح لها

بالتخمين ...

فأخذت تهدد بغضب الله لو سافرنا وانها ستبيتنا خارج المنزل ((لاننا نسكن معهم بنفس المبنى))

وطلبت من زوجها سحب جواز السفر وما الى ذلك ...

ولم يحصل بيني وبينها اي مواجهه او اي سؤال لماذا انت ترفضين ذهابنا ..

بالعكس التزمت الصمت لان هذا الشئ لايخصني وانما يخص زوجي لانهم اهله ..

المهم اننا سافرنا واستمتعنا ولله الحمد ..

جينا للمهم

زوجي هداه الله اعطى مفاتيح بيتي لاخيه ..

قال يمكن يحتاجون شئ او يصير شئ بالبيت لاسمح الله يعني تكون عندهم نسخه للضروره

وعادة انا وزوجي نعطيهم المفاتيح عادي كل ماسافرنا اي مكان .. يعني هذا شئ طبيعي


المهم بعد مارجعت من السفر بأربع ايام طلبت مني خالتي ان اشرب الشاي عندها

فلبيت طلبها رغم اني ما اجلس كثير عندهم تحاشيا للمشاكل

ولان خالتي عصبيه وانا عصبيه ولكنها كثيرة المشاكل هداها الله


زلت خالتي بلسانها وفهمت انها صعدت لمنزلي وقامت بجوله تفتيشيه عالبيت

مو هنا المشكله ...


المصيبه


انها فتشت حتى قمصان نومي ملابس نومي ياااعاالم فتشتها قطعه قطعه

والله اني ذهلت

وبإعتراف منها لم اظلمها بشئ

لم احرك ساكن وانما من هول المفاجأه اصبحت اوزع ابتسامات صفراء لامعنى لها

وقامت بتفتيش ملابس الخروج الخاصه بي ..

وعلب مجوهراتي

وكل مايخصني


هنا السؤال ...


جاوبوني يارجال العالم هل تصرف كهذا يحق لام الزوج ان تفتش اغراض الزوجه الخاصه ؟؟؟؟


انا أأتمنتها على بيتي وعلى غرفتي وعلى اغراضي الخاصه ....


خلاصة الكلام اني صعدت لمنزلي دون اي تعليق ...

والله لدي لسان ولكني خرست من المفاجأه


أمي انسانه عصبيه ومتعلقه بأختها كثيرا

فكرت بأن اتصل وافضفض لامي

ولاكني فضلت السكوت

بعدها بيومين سالت زوجي وقلت له لماذا لم تقل لي ان امك فتشت منزلي واغراضي الخاصه ....؟؟

أبتسم ابتسامه صفراء وشعرت انا بالاحراج فقال لي انا قلت لها انك بتزعلين لو دريتي

بس هي كيف قالتلك فحكيت له الحكايه الي هي ألفتها

وقالتلي انها طالعه علشان تجيب اغراض المطبخ الخاصه فيهم

واغراضها جات عندي بالغلط ...


مع العلم اني فتشت مطبخي فوجدت اغراضها كما هي ...


بالنهايه زوجي برد قلبي حسيته واقف معاي بس مايقدر يقول شئ لانه يخاف على زعلهم

وطيب خاطري بكلمتين وانتهى الكلام معاه


طبعا ماقدرت اسكت وكلمت امي

وقلتلها انا بقولك موضوع وحلفتها انها ماتنفعل وانها تناقشني

وطلبت منها تنسى اني بنتها وكأني صديقتها وتنصحني وبس

من غير تدخل

فوافقت


وحكيت لها السالفه كلها


أتفاجئت انها تعلم بكل شئ


وأني لما كنت مسافره اتصلت خالتي على امي وقالتلها كل شئ


انا طلعت بيت بنتك وفتشت وشفت كذا وكذا وكذا


ولم ترد امي بكلمه واحده

بل قالت لها هذا بيت ولدك وحلالك ولك الحق بكل شئ



























الي ابغاه يوصلكم يابنات واخواتي الحبيبات



انه كل شئ بالطيب يهون


أنا اتصلت على امي وانا مولعه وابكي من القهر ومن جرأت خالتي على تفتيش اغراضي الخاصه ..

ومالقيت من امي الله يخليها لي ويحفظها من كل شر الا الهدوء

وقالتلي اصبري هي مصيرها تنشغل عنك وعادي قوليلها بيتك ياخاله حلالك الله يحيك بأي وقت

قالتلي هي اختي وانا اعرفها بالعصبيه والصراخ ماراح تكسبين شئ بالعكس حتكرهك

وممكن تقوي ولدها عليك وولدها مهما كان يحبك مصيره يسمع كلام امه ..

اما بالطيب يابنتي حتكسبينها مصيرها تحس انه عقلها ناقص واتكلفت وطلعت ولا لقيت شئ يستاهل التفتيش

وقالتلي بعد لايلدغ المؤمن من جحره مرتين توبي ولاتخلين عندهم ولا مفتاح


نهاية الكلام اني ارتحت بعد المكالمه كثير وحبيت انقلكم هذه التجربه

يمكن لو اني صرخت وقتها وقلتلها ما اسمحلك واصحك تعيدينها مره ثانيه

كان دخل الشيطان بينا وخسرت اشياء غاليه عليا


بس الحمدلله على كل حال


بنوه على معلومه

الي صدمني بخالتي انها حامل بالشهر الثامن وتعبااااااااانه مررره

لانه حملت وهي بسن 45 وطبعا مثل ما انتوا عارفين الحمل بهالسن متعب اكثر

وهي اصلا عندها مشاكل بالحمل كثيره.. وبعد مكلفه على عمرها وطالعه للدور الثاني علشان تفتش بس ...

الله يقومها بالسلامه ويهديها يارب


آآسفه عالاطاله وركاكة الاسلوب وسامحوني

واتمنى الفكره وصلتكم ولو اي استفسار انا حاظره ...



اختكم ضي النبراس[/grade][/align][/align]

الحمد الله يااختي انو المشكله عدت بسلالالالالالالالالالالام وماشاء الله على امك باين عليها رجاحه العقل واسمعي كلام امك و إن شاء الله راح يجي يوم حتنشغل ام زوجك عنك ودايم يااختي ادعي في صلاتك اللهم اشغل ام زوجي بنفسها والحمد الله انها حامل علشان تنشغل با المولود

نصيحيتي لكي اختي
كل ما تصير معك مشكلة من هالنوع إلجأي الى امك
لانو واضح ما شاء الله انو مخها كبير وعندها فطنة ودراية
وان شاء الله ما رح تندمي

__________________

الأخت ضي النبراس وفقك الله

أحيي فيك التربية الحسنة ورجاحة العقل وتوقير الكبير وغفران زلته ونصيحة لله لاتقحمي أمك وزوجك في مشاكلك مع خالتك

فأنتي تضعينهم أمام خيارات صعبة أحلاهما مرررر

وماعليك سوى الصبر عليها وستنالين الأجر وسيبرك أبناءك كما تحبين أن تبري بأمك, ولاخير في زوج لايبر أمه ويجب عليك

تشجيعه على البر بأمه حتى لايحس أنكِ تكرهينها , والدنيا سلف ودين والمرأة الحكيمة ومن هي مثلك تعلم أن من لاخير

فيه لأمه وأهله لاخير فيه لزوجته وأولاده

بارك الله فيك وكثر من أمثالك وزادكِ حلماً وصبراً ,ونور بالإيمان طريقك

ماشاء الله عليكي وعلى عقلك الله يعطيكي العافيه

والحمد لله ان امك اخت حماتك عشان ماتصير عداوه ابدااااااااااااااااااااااا

ان شاء الله تنشغل بمولودها الجديد وتخف عليكي

ممكن هذا الحمل جاء حتي تخفف عنك سبحان الله

الله يوفقك ويهدي حماتك

__________________

اسمحي لي غيرت عنوان موضوعك

لشدة اعجابي برجاحة عقلك وحكمة والدتك

الله يكملك بعقلك ويسخر لك زوجك ويهدئ سركم يارب



واضح ان خالتك تغار وغيره شديده

نظرا لانها مازلت شابه اشتري لها قمصان نوم هديه منك


وعلميها على الشموع والرومانسيات

وياليت بعد نفاسها تنظمي انتي وزوجك سفره لها هي وزوجها لنفس البلد اللي رحتوا له



تاثير الحمل والتعب في هذا السن جعلها تزداد عصبيه عليكم


ولكن لي عتب بسيط

بمعنى انها رفضت السفر ولو لاسمح الله حصل لها شئ في سفرتكم سيندم زوجك طوال عمره


في المرات القادمه راضوها ولا تسافروا الا وهي راضيه بدعوات لكم منها

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الف شكر على مروركم

وتعليقاتكم الي اسعدتنا وريحة قلبي

فرج الله كربكم دنيا وآخره مثلما فرجتم خاطري

الله يعطيكم العافيه ويدوم علينا هذا المنتدى بالخير والصلاح للجميع

<< تعليقي على ردودكم بشكل عام >>

عموما خالتي انا بحاول اني اروض نفسي على اسلوبها

ويعلم الله انه صارتلي مواقف معاها كثيره انظلمت فيها من ردود فعلها وصراخها علي الشرس

وما اقابلها الا بالهدوء والدموع ومحاولة تبرير موقفي ولاكن عادة تنتهي دون جدوى

تدرون الشئ الي يهون علي ان الطناش يجيب مع خالاتي نتيجه فتاكه على قول الدعايات

لدرجة تكون بلحظه تهاجمني ولما اطنش واسكت بعدها بساعه

تتصل فيني تسالني عن اي شئ (( وتتحكحك.. بعني تدور سالفه تتكلم معاي فيها ))

يعني بتفهمني انه ماصار شئ


اها نسيت اقولكم

بعد الي صار

اليوم بعد ماجيت من دوامي نمت واتصلت فيني خالتي تسالني عن رقم جارتنا

اعطتها الرقم عادي وقفلت


بعدها بساعه اتصلت مره ثانيه وقالتلي انزلي اشربي الشاي معاي

قلتلها ابد انا تعبانه وابغا انام

قالت طيب تعالي اتغدي قلتلها لا انا مسويه رجيم

قالت طيب تعالي اشربي شاي انا مشتريه مكسرات وحركات شاي تعجبك

انا اصريت اني ما انزل لان بصراحه احس لسه مضايقه من الي صار

واخاف تفتح الموضوع وابدا انا نقاش ودموع ومأساة انا في غنى عنها

فأختصرت على نفسي المشاكل وبس

بالنهايه

الله لايحرمنا من بعض يارب

ويدوم هالمنتدى علينا

امين يارب العالمين

ما شاء الله عليك يا ضي نبراس في الحقيقه يعجبني فيك (الحليم وكضم الغيض )
ولو انك قلتي اني عصبيه بس يدل على احترامك لخالتك
حاولي انك تكسبين خالتك باي طريقه ؟مثلا تجيبن لها هديه او تعزمينها عندك فوق تغيييير
والاسلوب الحلو له دور فعال في يغير خالتك ان شاء الله


والله يوفقك ويسخرلك

الله يجزاكم الجنه ياررب

وعلى ارشادكم لي وتصويبي

تسلمي اخت شوشو دلوعه

والله هالدنيا ماتسوى صراخ ومقاطعه وكراهيه وحقد

يبيلها طناش وبس

في مقوله كنا نرددها زمان

طنش عش تنتعش

ورجلك ترتعش

وشعرك ينتفش

وهذا الي بسويه

بس خلوا على جمب شعري ينتفش ما ابي اهجج زوجي



خخخخخخخخخخخخخخخخخ



فمان الكريم

ماشاء الله عليك

والله اني مدري لو انا مكانك وش كان تصرفي

اذا على موضضوعك انتي وولعت فما بالك لو انا

بس فعلا التطنيش حل حلو في المواقف

__________________