أنا مش متجوزة لكن أعيش لظروف الدراسة لوحدي , حقولكم على طريقتي في التنظيف

1- بالنسبة للصحون : أول بأول , أحب الحوض نظيف تماما
2- بالنسبة للثلاجة : احبها نظيفة و رايقة و الفاكهة و الخضار مغسولين قبل ادخالهم
3- الرخامات : أحبها فاضية تماما
4- كنس البيت : يوميا بليل على الساعة تسعة او عشرة ( اطمنوا جيراني شركات يكونوا راحوا و مش حزعجهم بصوت المكنسة )
5- ترتيب غرفتي : يوميا و ساعات كذا مرة في اليوم كل ما حاجة اتوسخت أنظفها
6- الغرف التانية : قافلاهم لكن بكنسهم مرة في الأسبوع و أمسحهم عشان لما أهلي ييجوا تكون الغرف نظيفة
7- التحف و اللوح : بمسحهم كل يومين تلاتة و أغير أماكنهم ( عندي كتير محتارة فيهم أدخل و أطلع )
8- الحمام : يوميا تنظيف عادي من مسح و دعك و اسبوعيا تغيير مناشف و علب الكلينكس و الصابون
9- الغسيل : يومين في الأسبوع ( أربع غسلات كل يوم غسلتين ) غسلة ملونة و غسلة غوامق
10 غسيل الداخلي : أول بأول , أغسل كذا مرة في اليوم أربع خمس مرات
11- الصالة و الصالون و الممرين الصغيرين : يوميا ترتيب و تنظيف و مسح الباركيه و السيراميك
12- مرة في الأسبوع برش البيت من الصراصير لأن فيه شجر عالي ورا بيدخله و بخرج أقعد عند أحد صديقاتي أو معارفي

حتقولي عني وسواسة لكن تقسيم الشغل و عمله بشكل دوري بيخليه سهل جدا
و مع التعود مش بيتخد وقت خالص
ساعتين تلاتة متقسمين على مدار اليوم لأنهم لو كانوا متواصلين أكيد حمل و أتعب

__________________