السلام عليكم.........

انا حبيت اطرح مشكلتي وابيكم تساعدوني او تعطوني حل لاني مررررره تعبانه ومتضايقه


مشكلتي وللاسف مع(امي)تعاملني غير عن كل اخواني صرت احس اني منبوذه بينهم انا الحين متزوجه وزوجي بمدينه ثانيه وانا ساكنه عند امي لان امي وابوي منفصلين من 8 سنوات ولسبب تافه وهو ان امي ماعادت تحب ابوي

المهم انا عايشه عند امي بسبب ظروف الدراسه وانا بسنه ثالثه بالكليه وباقي لي سنه واتخرج لكن افكر اني ااجل ولا اكمل لان امي طفشتني حياتي وانا الان عندي ولد عمره سنه وشهرين طبعا الاطفال بها العمر يكوننون اشقياء جدا
وكل ماسوى شي ولدي اوصرخ اوبكى قومت الدنيا وقعدتها وقالت لو على كيفي جمعتكم بكرتون وارسلتكم لزوجك ازعجتوني ومن هذا الكلام..........


وكل ماطلبت ابي اروح اشتري اغراض للكليه او لولدي فضحتني ومااطلع الاوانا ماخذه تهزيئه محترمه حتى اخواني ماعاد يحترموني اوحتى يحطون لي اعتبار والسبب امي
وكل ماطلبتهم شي راحو لامي وقالو لها اني ازعجتهم وطبعا هي بكل سهوله تقول لي لا

حتى مافيه واحد منهم اتنزل يوديني ويرجعني من الكليه لذلك اضطريت استأجر سواق والله راتب زوجي مايتحمل اني اروح مع سواق وعندنا 3 سيارات واقفات على الباب والله والله كل يوم ابكي من القهر واتحسر على نفسي مع ان كل اخواني وخواتي لو تطلب منهم طلب ماسوواه لها وكل شي انا اللي اسويه وانا اللي اخدمها قلت بنفسي اروح اعيش عند ابوي والا اكلمه باللي تسويه فيني وهو مو ناقص هموم لا اخواني مو مهتمين فيه نهائي مايدقون عليه الا لحاجه بس وامي بس تسب على زوجي وهو ياما وياما وقف معاها بمواقف يوم كل اللي حولها بعدو عنها حتى اقرب الناس لها وزوجي يكون ولد اختها تكفووووووووووووون ساعدوني واعطوني حل ...........يااترك دراستي واروح لزوجي اللي مالي غيره بعد الله والا اصبر على المر اللي عايشته معهم لاني قربت انجن

9 زوار يدخلووووووووووووون ولاكلفتم نفسكم تردون علي


والله انا من جد منهاره لاني ماني قادره اسولف لاحد فقلت اسولف لكم واخذ رايكم

اختي صارحي امك..و اعرفي السبب و اسأليها اذا بدر منك اي تقصير..و بعض الامهات اذا تزوجوا بناتهم..يغيرون المعاملة الى 180 درجة..

الله يلين قلب امك عليكم

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

السلام عليكم ورحمة الله وبركاته

اتمنى تاخذي من كلامي الي يفيدك

طالما احوال زوجك الماديه ماهي تمام اصبري وتحملي وبالعكس جدي واجتهدي ..

وخلاص ماعاد باقي شئ على نهاية الكليه وخصوصا الايام تعدي بسرعه والاجازه طويله

يعني اصبري على اذاهم وافرشي سجادتك وادعي ربي يسخرلك امك واخوانك

واهتمي بابنك علشان مايضيع تعب السنين الي راحت وبعدك عن زوجك والاهانات الي اخذتيها تروح بلاش

انت كملي الحين وراح الكثير وماعاد باقي الا القليل ..

ماتدرين يمكن امك غيرانه منك لانك متزوجه وزوجك يهتم فيك وهو بعيد عنك

والله اعرف وحده زي كذا ماتجي لاهلها الا بالاجازات وهي ساكنه مع زوجها بعيييد

المهم ان بيتهم مره كبير وربي مغنيهم وقاموا خلوا اختهم تقعد بغرفه بالسطح لانهم مايتحملونها هي وعيالها

لمدة شهر بالسنه ..

قولي الحمدلله والله بيغنيك من واسع فضله اهم شئ خليكي بااااااره بأمك ولاتنسي يمكن رضاكي فيها

يكون سبب بتوفيقك ان شااء الله .. خليكي طيبه معاهم هذولا اهلك مهما صار


وان شاااء الله اكون افدتك


اختك


ضي النبراس2

أفضل حل عزيزتي هو تأجيل الدراسة بصراحة وضعك صعب جدا وانت بهذه النفسية لايمكن أن تدرسي بشكل جيد فلم حرقة الأعصاب والمشاكل التي أنت في غنى عنها .... وأما أمك فادعي لها دوما أن يحنن الله قلبها عليك ... الكبار في السن لايستطيعون صراحة تحمل إزعاج الصغار فلا تلوميها هي مطلقة وتعيش ضغوط نفسية كبيرة قد لاتعلميها ..... وصدقيني هي لاتفضل إخوانك ولكن معروف أن الأم تميل للولد بشكل واضح وكلنا يرى ذلك لكن ليس معنى هذا أنها لاتحبك ...

عيشي مع زوجك بهدوء واتركي الدراسة إن كانت لاتجلب لك غير وجع الرأس ...

أعانك الله وفرج همك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

طبعا هذا الترم على وشك الإنتهاء فلا مجال للتأجيل .... ولكن يتبقى لك سنة فإن استطعت التأجيل حتى تتحسن ضروفك فهو أفضل ....

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

مشكوره على ردودكم.............


اختي ضي النبراس ومن قالك اني عايشه بغرفه زي العالم والناس انا قاعده بغرفه بالسطح اللي كانو الشغالات ينامون فيه مع تعديل بسيط فيه



وامي مو كبيره بالسن لها الدرجه عمرها 38 ايضا هي متزوجه بالسر بدون محد يدري عنها من الناس

والله يعينني على هالعيشه

انصحك بالصبر فيه بعض الامهات تحف خذي مثلاًامي ما تعترف بي قدام صديقاتها تقول اختي وبناتي حاطة نقرها منهم البنت عمرها ست سنين وامي تضربها وتناقرها واذا زرتهم طردتهم وصكت عليهم حتى اذا فيه اكل قالت قوموا ما تشبعون انت بس كلي هم لا اكره اروح لهم شاحنة اخواني عليه وتكره زوجي وهو متفاني في ارضاءها بس ما ترضى لكن شنسوي منحدين اضغطي نفسك سنة تفوت ومحدش يموت اهم شئ تتخرجين وتمر الايام اللي مصبرك العمر كله ما تقدرين تصبرين سنة بعدين هانت الاجازة جات ومن شاف مصيبة غيرة هانت عليه مصيبته ترى ما ذكرت الا اقل القليل يعني ابغى اسوي مثل الناس
اختك : ام جنا

__________________

شموخ الليل احسني لأمك وإجعلي همك رضى الله

إعذريني لو قلت لك ولا تنزعجي مني ولكن اشعر بأنك
لا تقومي برضى الوالدين ...
لأن اثره ينعكس عليك ِ اختي بالله صدقيني
ولي ولمن حولي عبر من قضية رضى الوالدين سبحان الله
إن رضاهما من رضى الرحمن
ولا تبتغي الأجر منهما وإنما من الله الواحد .

والله يااخي ابو بيرام اني اسوي كل شي عشان رضاها ورضى ابوي بس كل شي اسويه تقول انتي ماعمرك خدمتيني ولاسويتي لي شي مع اني الوحيدة من بين اخواني اللي اخدمها واشوف وش تبي والا ماتبي