لا مو خوف من العين الا فعلا يشتكون من زوجاتهم
هناك دراسات تقول ان زوج المرأة العاملة اكثر عرضة للاكتئاب من زوج المرأة ربة البيت

والاستفادة شيء اكيد بتصرف على نفسها وعيالها وتجيب شغالة
تستلم راتب على الاقل 5 الاف ريال وين توديه تحتفظ به في البنك؟؟
ولكن الي اقصده عدم الاستفادة المباشرة من اموالها يعني لاتتوقع انها تشتري لك سيارة او تبني لك بيت او تعطيك مصروف الا نادرا!!
وفي اقرب مشكلة تتمنن عليك بمالها المرأة طبيعتها كفارة عشير اذا فلوسك الي
تصرف عليك تجحدها كيف لو تصرف عليك!!

عموما انا لا اقول الزواج من الموظفة جحيم في حجيم ولكن اذا كنت سعيد بالزواج
منها فتأكد تماما تماما بأنك ستكون اسعد لو كانت ربة بيت
واذا تزوجت من ربة بيت وكنت شقي معها فتأكد تماما بانك ستكون اتعس لو كانت
موظفة...

تجربه شخصيه
أنا معلمه ومبسوطه ولله الحمد آخر بسط مع زوجي الله يتم علينا نعمته الحياه لاتخلوا من المنغصات والمشاكل الزوجيه والتي أعتبرها بهارات الحياه الزوجيه وبصراحه أخذت إجازه لمدة ثلاث سنوات لظروف خاصه وتفرغت له زين وين رايح وين جاي أبغى أطلع على طول طفشانه من البيت والاولاد ...سببت له أزمه صار يتمنى أمنيه أترك إجازتي وأرجع لعملي علما إنه كان في البدايه معارض فكرة التدريس بس وافق مرغم على القبول بشرط الوظيفه ولما جا التقديم للوظايف سوى لي مشكله بس استحى من اهلي لما كلموه ووافق مرغم والحين يقول وينها فيه الوظيفه وأنا والله العظيم كارهه التدريس من كثر مشاكله وودي أقعد ببيتي مع عيالي بس هو الله يهديه يقول لي ماتتركينها والحمد لله الامور تمام بالعكس لما كنت باجازه على طول طفشانه وعلى طول متضايقه ونفسيتي تعبانه وصارت الافكار تودي وتجيب أدقق عليه على كل كلمه وش قصدك ليش قلت كذا وينك فيه ليش تاركني كل الوقت وحدي وكنت حاسه مالي قيمه ولاهدف غير الفراش والاولاد وفي الوظيفه مشغوله ماعندي وقت للكلام الفاضي وكل اللي نفسي فيه وتشتهيه أجيبه بدون مشاكل وكثرة حكي وش تبين فيه؟ ماعندي؟ راعي ظروفي؟...........الخ ويدي بيده في كل شي إن إحتاج مايغلى عليه وهو حاس بقيمة وظيفتي الحين وإنها شالت عن ظهره حمل مصروفي ومصروف العيال وفواتير وإجارات وغلا يكسر الظهر
فصار حريص عليها أكثر مني