حقولك وصفة فراخ سهلة جدا و متاخدش فى عمايلها ربع ساعة

تجيبى صدور الفراخ العدد اللى تحبيه و تغليسهم كويس و تحطى فى طاسة او صينية على البوتاجاز من فوق و تحطى فيها معلقة زبدة و تحطى الفراخ فيها و تقلبيهم كل شوية (بس كل صدر يكون مفرود فى الصينية مش فوق بعضهم) لحد ما يصفر لونهم يكون ذهبى و تحطى عليهم علبة كريمة الحجم 250 ملل و تحطى الملح و الفلفل على حسب الرغبة

كدة عندك فراخ بالصوص الابيض

ممكن تضيفى كل مرة طعم جديد للصنف ده بعد ما تحطى الكريمة على الفراخ طبعا

بمعنى مرة تحطى عصير ليمونة فيكون عندك فراخ ليمون صوص
و مرة تحطة مستردة فيكون عندك فراخ مسترد صوص
و مرة تحطى جبنة براميزان فيكون عندك فراخ تشيز صوص
و مرة تحطى زعتر و مرة تحطى روز مارى و مرة فلفل اسود مطحون فريش و مرة و مرة كله على حسب ذوقك

و جنب الصنف دا ممكن تعملى طبق رز ابيض


بالهنا و الشفا و يا رب يكون عجبك و اى سؤال انا فى الخدمة

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة

هلاا فييك ..
يممممم يمممممممم
طبخة مصرية ..
بس في بعض الاشياء مااعرفت وشي مثل علبة الكريمة وشي بالضبط و جبنة برميزان تكون بالسوبرماركت ومستردة << مافهمتها << معليش تحمليها جديدة بالمطبخ ..
ربي يوفقك دنيا و آخرة ..

طيب حقولك كل اللى طلبتيه من عويناتى

الكريمة اللى هى كريمة الخفق اللى بتكون شبه الحليب بس قومها سميك شوية و اذا خفقتيها بمضرب البيض بتعمل كريم شانتى
موجودة فى التلاجة فى السوبر ماركت انا بجيبها من كارفور بتكون فى نفس المكان اللى بيحطو فيه الزبدة و فى منها نوع المراعى كمان و فى بريزدانت برضو

جبنة البراميزان يا ست البنات هى بتكون جبنة لونها مصفرة و بتكون قاسية شوية و بتلاقيها برضو فى التلاجة جنب الجبن بتكون علبة كرتون اسطوانية الشكل

المستردة بقى اللى هى الخردل اللى بيكون مثل الكاتشب و حتلاقيه جنبه فى السوبر ماركت و جنب المايونيز و بيكون لونها اصفر

عموما انا ححاول اجيبلك صور الحاجات دى عشان تعرفيها كويس



و انا تحت امرك فى اى طلب

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة

دى صورة كريمة الخفق




و دى صورة المستردة




و الجبنة معرفتش اجيبلك صورة ليها

بس انا افتركت حاجة انتى ممكن تسألى عند الجبن و ممكن تتباع برضو بالكيلو بس لما تستخدميها حتضرى تبشريها

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة

مشكورة يااقلبي مااتقصرين عااد تدرين الخردل هذا استخدمه مع الهمبرجر ..
الله يوفقك دنياا وآخرة ياارب ..

والله ياأختي اني ماكنت اعرف اسوي ولا شي بس الحين الحمد لله صرت طباخه ماهره بس لازم تتعلمين

ترى يااختي انا كنت نفسك وكنت مااطيق المطبخ بس الحمدلله الحين صرت طباخه ماهره واتابع برامج الطبخ بس لازم تتشجعين وتدخلين المطبخ وترى مافيه شي صعب

هلاا فييك ..
إذا طبخت تخرب وحااولت كثير مااعرفت ..
بالتوفييق ..

هلااا فيييك ..
تسلم لي عيونك ..
عرفتهم وان شاء الله بروح السوبر مااركت وبدورهم ..
ومشكورة يااقلبي تعبتك معي ..
الله يوفقك دنياا وآخرة ..