عزيزتي .... ابتعدي تماما ً عن حليب البودرة بجمييييييييييييع أنواعه ... واستبدليه بحليب سائل طويل الأجل ( الصافي - المراعي - السعودية ..... وغيرها من المتوافر في منطقتك )
حاولي تستخدمي الدواء اللي قلت لك عليه ... واذا مو حابه تداومي عليه فمو مشكله بس لازم تعطينه دوفولاك لفترة اسبوع على الأقل لحد ما ينظف بطنه وبعدين حاولي تسوين له نظام غذائي ...

مثلا ً بلاش تستخدمي السكر في التحلية واستخدمي العسل ...

حاولي تشربيه مويه كثير ... وأعطيه سوائل متنوعه مثل عصير البرتقال - العنب ... جدا ً مفيده في حالته ...

خليه ياكل فواكهه ... مثلا ً البطيخ ... قطعي له مكعبات وشيلي البذور منه وخايه ياكله بالشوكه ... او العنب ..

او سوي له سلطة فواكهه بالآيسكريم ... بس اخلطيهم مع بعض (أقصد في الصحن) بحيث تكون المكونات متداخله وبكذا ماراح يقدر ياكل الآيسكريم ويخلي الفاكهه !

مرقة اللحم او الدجاج ... فعاله في موضوع الأمساك ولها مفعول مليّن .... سوي له شوربه ... وحطي الصحن قدامه وخليه ياكل بنفسه .... وكافئيه اذا خلص الصحن ...

ابتعدي عن البطاطس والرز المصري ... فهي تمسك البطن ...

وقبل كل شيء كوني صبوووووره وبالك طويل ... لأن الموضوع صعب شوي عليه المسكين ويألم ...

أهم شيئ ... واتمنى ماتهملين نصيحتي عشان ماتندمين بعدين ...لازم لازم لازم المليّن ... لأن كثرة الأمساك راح تسبب لأبنك لا سمح الله شرخ وبعدين راح تكبر المعاناة مثل ماهو حاصل لي مع ولدي ...

طمنينا عليه ... وما يشوف شر ...

__________________

حاولت والله

لسا اليوم مسوية شربة خضار مهروسة تجنن اكلوها كل العيال
الا الرزيل دا

يا دوبك اكل كم ملعقة

بالنسبة للنيدو ... سيبته هو والسريلاك اللي فيه

اش تنصحيني ببديل ؟

لانه مرة متعلق بالحليب والرضاعة مرة ..
وابى اتدرج معاه لين يتعود على الاكل ويصير الاكل اغلب اكله مو الحليب اللي صار يخرم عليه !

حبيبتي أول تتوكلي على الله وأعرفي إنه الشافي والباقي مسببات . أعطيه كل يوم ملعقه على الريق زيت زيتون أصلي أو زيت سمسم ينفعه للإمساك وفي فوايد كتييير بس لاتزيدي الكميه ورح تشوفي النتيجه بعد كم يوم وتدعيلي وبالشفا

جزاك الله كل خيييييييييييييير

من جد افكار متنوعة الله يسعدك

عجبتني حكاية الاسكريم دي !!

وان شاء الله من بكرة انظف له بطنه بالدوفلاك على الله ما يعيف الحليب لآنه ولدي مصيبة ويميز !!

ومن جد شايلة هم الشرخ دا

وفكرتيني !!
مسكين من امس اتسلخ عنده ما حول فتحة الشرج
ولو تشوفي كيف يشنج لمن ابى احط له كينا كومب ولا نيفيا حتى !
اليوم بالمضاربة حطيت له نشا ...

مرة احترت وقلبي يزيد اتقطع عليه وصايرة ماني عارفة اجرب ايه ولا ايه ؟؟!!

اش تنصحيني ؟


كمان سؤال معليه تعبتك معايا

بالنسبة للحليب السائل ... اعطيه هو دافي ؟؟

لأني اللي اعرفه ان الحليب البارد يسبب امساك ؟ ولا ايه ؟

وعادي لو اديته حليب بنكهة الفانيليا ؟؟؟

اشكرك كثييرا يا ناني

بالفعل انا باجنبه دي الاكلات .

وباحاول اكثر له موية واعطيه عصير جاهز لانه يرفض البرتقال الطبيعي

يبالي اجرب معاه السكر نبات !! وماادري يقبل التمر ولا لأ ؟ بصراحة ما جربت !

زي ما اتوقعت وقلت لأمي مشكلة ولدي في اكله السيء

لاني بعيد عنكم معلمة في قرية بعيييدة وولدي في يد مييين ؟؟


لا وكمان مطلقة يعني لمن يروح لأبوه نفس الوضع


الله يعين

بس اخذت اجازة عشان اركز عليه واهتم به وباخواته اكثر

والله يعين

ادعوا لي

اشكرك كثيرا

طبعا الشافي هو الله ونعم بالله

اشكرك على اقتراحاتك ومن يغفل عنها

لكن مشكلتي في ولدي نفسه

وابى اعطيه شي يلينن له من غير غصب ولا تطليع

وانا بالفعل بادعي لك

جزاك الله كل خير

اختي

مثل ما قالت اختي ام فهد
اعطيه حليب طازج
من الموجود في الثلاجات

و الظاهر ابنك من النوع الي يبلع الاكل بلع من غير مضغ
وياخذ لقم كبيره
ما شاء الله تبارك ا لله

من ياكل انتبهي له انه يمضغ وياكل لقم صغيره


الله ويبارك لك فيه و باخوانه
ويقر عينك بصلاحهم

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

لما تعطيه الحليب صبيله بعض القطرات من الزيت في الحليب.. وان شاءالله تتحل المشكله

__________________

سن توب مره حلو للاسهال

__________________

iهههه والصادقة !!

دا يمضع بس اش يسوي ؟؟
يمضغ ساعة ويخزن الاكل في فمه للين ما يمص كل عصارته وبعدين يرمي الباقي !!

ها اش رايك ؟؟

جنني

اشكرك كثيرا عزيزتي

والله سويتها ..

قام رجع لي الحليب ولا رضي يشربه واستلمني بكاء !

صدق اللي قال الطفل سلطان

بس لمن يكبر ........... !

شكرا كثيرا غاليتي