اختي لا يضيق صدرك على الموضوع

الشوفه قبل الخطبه ليه مشروعه عندنا

حتى يشوفون الشاب والفتاه بعضهما ويقررون باتمام الزواج أو عدم اتمامه

وتأكدي ان النتيجه بعد الشوفه خير لك وللشاب

والا كان الشرع ما سن الشوفه الشرعيه

واحمدي الله انه تكلم وعبر عن رأيه ولا اتخذ موقف سلبي وترك كل شي يمشي وفي النهايه تكون المشكله لأنه مو مقتنع

ادري انها مو سهله على البنت هالموضوع بس فكري فيها بعقلك والله يعافي الشاب ويجزاه خير على صراحته ويرزقك باللي مايمل من شوفتك

وبعدين مو شرط انك ما تكونين عاجبه الي تقدم لك وما يتم الزواج بالعكس والله اعرف واحد حاط شروط طويله عريضه لاهله في البنت وهم يدورون له وكذا بنت جمييييييله شافها بس مايتم الزواج برفض منه

مايكون مرتاح

تدرين ليه

لأنها مو من نصيبه

وفي النهايه خطب وحده أقل جمالا من اللي شافهم لأنه ارتاح لها والسبب الخفي انها هي الي كانت من نصيبه

الله يرزقك بالزوج الصالح الي يسعدك ويهنيك وتسعدينه وتهنينه دنيا وآخره