السلام عليكم



اول شي شيلي الضرب من قواميس التدريب على الحمام نهائيا ..

هذا الموضوع بالذات يبي له ضبط نفس واعصاب ووجه بااااااااارد قدام الطفل ... يبي في العملية حنااااان كثييييير

ثانيا ..

لازم تثبتين على خلع الحفاظة .. اليوم خلعتيها خلاص شيليهم من البيت بدون رجعة وحتى في الطلعات .. الثباااااات عامل مهم ...


ثالثا ... التعزيز لا تغفلينه ابدا ... كل مرة تروح البنت الحمام وتسوي شي ...كافئيها بقطعة صغيرة من الحلوى .. ( انا عادة احط لهم كيس امنمز ,,,وكل مرة يسويها اعطيه حبتين فقط )..

رابعا ..

خلي القيصرية خارج الحمام بجانب الباب مثلا ..لتكون امام ناظرها ..

خامسا ...

كل عشرين دقيقة امسكي يدها وروحي بها خليها تجلس حتى لو ما فيها شي ..وكافئيها كل ما سوت شي ..



سادسا ...

اثناء جلوسها على القيصرية لا تروحين وتخلينها خليك معاها جالسة ..اقرأي معها كتاب صغير تحبه او غني معاها او سولفي حتى ..




ان شاء الله ما تاخذ معك اسبوع ....بس اهم شي الثبات والابتعاد عن التذبذب ..حتى لو في الطلعات ... وخلي طلعاتكم تلك الفترة لاهلك مثلا او مكان يتوفر فيه حمام بسهوووله.. الابتعاد عن الماكن العامة احسن شي ..


شي مهم ...

لو حصل ووسخت نفسها مرة وما راحت ...حافظي على هدوءك ..وغيري ملابسها بهدوء وتكلمي معه بحنان انها ستحاول ان تذهب الى الحمام المرة القادمة .. اذا شعرتي بنفسك غاضبة جدا فلا تقولي شيء واكتفي بالحفاظ على شكل وجهك هادئ ..


الله يوفقك ,,