فكرة المطبخ المفتوح حلوة اذا البيت واسع و تحدده من جهة الصالة بكاونتر مرتفع أو جزيرة العمل في الوسط تكون فكرة رائعة

بس الأحسن ما تكون الصالة قدام المطبخ و اللي في الصالة يشوف اللي بيطبخ و تخرج روائح الطبخ و لو كان عندك ضيوف و المطبخ حايس و عايم ما تقدر تقفل بابه و تداري على الكركبة اللي جوا
و الله أكبر لو كانت في عندكم شغالة

تحوس بالعاني عشان تطول في المطبخ و تقهر راعية البيت و أحس حتى لو أن الأهل يبغو خصوصية في الجلسة و الشغالة ما خلصت شغل المطبخ تجلس تتسمع للحكي أو انه يجيك ازعاج من المطبخ

من وجهة نظري ممكن تعمل مطبخ مفتوح بس مو بالكامل يعني تخلي فيه فتحة مثل النافذة الكبيره و ممكن تقفل عند الحاجة و تستر يالستاير الخفيفة
و أهم شي يكون الشفاط اللي فوق البوتجاز قوي في شفط الروائح عشان تتجنت انتشار الريحة في كل البيت

و الله يهنيكم بمطبخكم الجديد و يعطيكم خيره و يكفيكم شره يارب

__________________
رب لا تذرني فردا و انت خير الوارثين