انت وجهت سؤال متى يرجع المنتدى لما كان عليه.. وانا اجاوبك ان المنتدى كذا دائما واذا انت مسجل من سنه انا مسجلة من اربع سنين وطبيعي يكون المنتدى بهالشكل لانك انت اشبه بالجالس في العياده الكل يشتكي من الم معين ويعبر عنه ويبحث عن العلاج..

المرتاح مو محتاج يجي هنا يقع يشرح راحته ووناسته خلاص لاهي ومبسوط واللي يعاني ويبغا حل يجي يكتب هنا لعل انه يسمع كلمه تريحه واصحاب الخبره متواجدين يساعدون غيرهم الله يجزاهم خير.. اخوي ندخل هنا نستفيد من تجارب غيرنا ونحاول نساعد باللي نقدر عليه وكل بيت فيه مشاكل هالشي عارفينه وحافظينه مو لان شخص جا يشتكى مشكلة معينة معناتها انه حزين وتعيس.. وانت شاب ناضج وعارف ايش بالزواج من راحه واستقرار ولا ما كان تزوج احد فما يحتاج انك تخاف من المشاكل واذا بتأثر على نفسيتك الافضل ماتدخل وتقرا..

واذا تبي قصص حلوة عن الزواج والسعاده رح ادخل مجتمع نسائي واسمع السوالف لاننا ظاهرين للعيان نخفي المشاكل ونتكلم عن الاشياء الحلوة وهنا عشان محد يعرفنا محنا بحاجه نستعرض ونبين اننا سعيدين بالعكس نفتح قلوبنا ونشتكي من الامنا..

__________________