اختي الكريمة


بعد اعدادي للعديد من الكيات الاسفنجية


اقدر افيدك بما يلي

1- اذا كانت الكيك داخل الفرن ترتفع من جنب و الجنب الاخر لا فهذا عيب بالفرن و تاكدي من هذه المعلومة مني لانه يحدث معي في فرن امي

2- لنجاح اي كيك

- كل مكونات الكيك تكون بدرجة حرارة الغرفة
- ينخل السكر و الدقيق ( اذا كان السكر بودره )
- التأكد من صلاحية البيكنج باودر
- خفق البيض بوقت كافي يسمح بدخول الهواء
- عند مزج البيض المخفوق مع الدقيق يكون بحرص و بحركة دائرية في كل مرة تضعي جزء من الدقيق و لا تغير يالاتجاه
- دخول الكيك فرن ساخن مسبقا
- لا تفتح علي الكيك الا بعد مرور 30 دقيقة


بصي حبيبتي دي اخر مقادير للكية انا عملتها منذ ايام و ان شاء الله هنزلك صورتها



6 بيضات
1 1/4 كوب دقيق
1-1/4 كوب سكر بودره
ملعقة فانيليا
و ملعقة بيكنج باورد

و لو عزاها بالشيكولاته تاخدي 2 ملعقة من الدقيق و تستبدل ب 2 ملعقة كاكام خام

****

المهم جربت الطريقة بالاكواب المعيارية

و استعملت فانيليا سائلة

و استعملت ملعقة بيكنج باودر و استعملت ملعقة صغيرة مليانة محسن الكيك

و اضفت رشة ملح علي خليط الدقيق و الكاكاو الخام

خفقت البيض الاول درجة حرارة الغرفة و معاه الفانيليا و بعد كده اضفت السكر البودره المنخول و خفقت ثم اضفت محسن الكيك

صراحة انا كنت مش عارفة احطه امتي علي الكيكة بس اتصرفت

المهم خفقت البيض حوالي 20 دقيقة

و بعد كده اضفت الدقيق و الكاكاو البيكنج باورد و الملح ( مخلوطين بعد النخل )ملعقة ملعقة

و انا بستعمل في الخلط الاداه الموجوده في مضرب البيض اللولبية علي اقل سرعة



المهم خلصت

و كنت مجهزة 2 صنية مقاس 24 سم

طبعا الخليط كان قليل علي 2 صنية بس انا شفت في كتير من البرامج بدل ما اعمل كيكة في صنية كبيرة اقسم الكيكة بالسكينة و احتاس

الصنية مدهونة زيت ( انا عارفة انه لابد من عدم اضافة اي مواد دهنية في قاع الصنيه لانه بيساعد علي هبوط الكيك )

بس للاسف بتضطر دائما لهذا الفعل لاني بنسي اشتري ورق زبدة

المهم شفت برضو في برنامج اجنبي اننا بدل ما نبطن الصنية دهن( زيت او زبد او سمن ) و دقيق

نبطنها ب دهن و بقسماط

ليه ؟؟؟ عشان ساعات لما بتخبزي الكيك و تقلبيها بتلاقي بقايا من دقيق التبطين متواجدة في الكيك و بيكون شكلها مش حلو

انا بقي جربت موضوع البقسماط ده في كل الكيكات و كان تحفة

و جربت ارش كاكاو خام علي كيكات الشيكولاته ( في تبطين الصنينه ) و كان برضو رائع

بستخدمي الكيك بدون الحاجة للتخلص من القاع بسبب ان فيه بقايا من الدقيق

و دخلت الصنية الفرن حتي النضج و الله النتيجة طلعت رائعة

تركتهم بيردو شوية


و انا شفت برضو شفت واحدة من الاخوات

قالت ان الكيكة تغطي بفوطة مندية بعد ما تطلع من الفرن بتحافظ علي انها مش تهبط

المهم انا جربت الموضوع ده و نجح برضو في الكيكة اللي في صنية واحدة لان ارتفاع الكيك وصل لحرف الصنيه قلبتها علي فوطة نظيفة رشيت عليها مياه بالبخاخة


دي صورة لكيكة اخري ايضا من تطبيقي لكن في صنية واحدة

ساضعها لكي كي اول لكي الفكرة











و فعلا النتيجة كانت رائعة و حافظت الكيكة علي ارتفاعها


بالنسبة للكيك اللي عملتها

طبعا الكمية كانت قليلة . بعد 10 دقائق و هي في الصنية ( تركتها تهدأ )

قلبتهم علي فوطة نظيفة مندية و غطتهم بفوطة نظيفة مندية و تركتهم حوالي نصف ساعة

الحشوة

و اخذت حوالي 2 كوب كريم شانيه باودر و خفقته باللبن

و في نفس الوقت اخذت مكعب و نصف من الشيكولاته الخام في حمام مائي لحد ما ذابت اضفت عليها 2 م /ك نوتيلا و قلبتهم حتي اختلطو

و اضفت الشيكولاته السايحة بعد ما هدأت شوية علي الكريمة اثناء الخفق شوية شوية

لحد ما اختلطت تماما

و دخلتها علي الثلاجة علي طول

بدأت بتجهيز الكيك وضعت اول طبقة القاع لاعلي بلون الذهبي الجميل من البقسماط

و سقيت الكيك بالسفن اب

و وضعت جزء من الكريمة و اضفت عليه حوالي 4 ملاعق من الجناش و وزعتهم بهدوء

و بشرت شيكولاته خام القليل منها

ثم اضفت الطبقة الثانية من الكيك و القاع لاعلي و سقتيها بالسفن اب و وضعت باقي الجناش ليغطي السطح تماما

و تركته حتي تماسك شوي

و اضفت الكريمة برفق و غطيت الجوانب تماما و جملت السطح بالشيكولاته المبشورة و وردات الكريمة بكيس الحلواني


و اي استفسار غاليتي انا تحت الامر


تحياتي

__________________