عزيزتي انا مجربه وضعك و عندي طفلين لكن حالتي اصعب
اختي زوجها غير موجود فموجوده هي واطفالها في بيت اهلي قبلي ومثلك عارف استحاله تسيطرين على اطفالك بوجود اطفال اخرين هذا غير الخصام بينهم والازعاج المترتب على لعبهم اذا تصالحو ومهما كنت انا واختي متفاهمين الا مايكون فيه اختلاف في طريقة واسلوب كل وحده مع اطفالها لكن الاطفال مايتفهمون هذا الشيء وبالتالي يسبب لي انا واختي مشكله
وطبعا لاني انا واختي موظفات لازم لكل وحده خادمه غير خادمه اهلي الي ماتطيق الاطفال وتحاول تخرب علينا شغالاتنا وطبعا مانقدر نقول شيء لانها عارفه شغل اهلي ومريحتهم نوعا ما
وغيره وغيره لدرجة حبيبي ابوي مايقدر ينام في البيت بعد الظهر فيهرب لاستراحه خاصه باهلي عشان ينام وامي تتوتر لمى تشوفهم يتضاربون او يخربون وتخاف تقولنا شيء فنزعل او يجي في خاطرنا بس وصلت معها اخر شيء وصارت تقول لنا , يعني ما اقول الا الله يعظم اجر اهلي ويثيب صبرهم على قد ما انا متضايقه من عدم سيطرتي على عيالي او نظام في البيت ما يناسبني او حتى اشياء ارغب بها لاطفالي وما اقدر مراعاةً لوضع اشخاص اخرين في البيت الا ان وضع اهلي اصعب بكثير فما الومهم وش ما صدر منهم
عشان كذا حبيبتي اقولك مهما كانو الى معك في البيت متفهمين وضاغطين على انفسهم عشانك ابداً ماراح يكون الوضع زي لمى تكونين في بيت لوحدك مع اطفالك تتحكمين بنومهم ولعبهم ودخلتهم وطلعتهم فلا تتو قعين من اللي عندك اكثر واتركي حساسيتك الزايده وحاولي تحطين نفسك مكانهم عشان تتفهمين اي تصرف منهم وبالتالي مايجي في خاطرك شيء