انا رأيي مشابه لرأي الاخت ام حماده لاني عشت مع اكثر من زوجين يعانون من هالمشكله مشكلة ان الزوجه ما تحب تسولف مع زوجها وتحاول ترد دايم باجابات مختصرة وكلهم كان لهم نفس السبب ان الزوج تكون طريقته بالحديث معها استفزازية يعني كل ما تقول شي يحاول يغلطها او يعاندها او يرد رد غير لائق وكل ما علقت على قصه او سالفه حسسها بانها غلطانه وماتعرف يعني هو ممكن ما يحس بانه يضايقها او يشعر بان تصرفه طبيعي وتلقا الحرمه شوي شوي تهرب من السواليف مع زوجها يعني ممكن تكون البنت حساسه وزوجها اسلوبه فظ شوي وهذا يخليها تنفر من الكلام معه فعليه انه يراجع نفسه ويراجع اسلوبه ويحاول يبين لها انه مهتم فيها وبحديثها او ممكن على قولة الاخ انها هي طبعها كذا فيه ناس طبيعتهم ما يحبون الكلام لكن انت شف وضعها مع صديقاتها واهلها اذا كانت هاديه دايما فلا تلومها هذا طبعها واذا كان غير كذا حاول تعرف وش السبب