حبيبتي انا كنت مثلك بظبط
كنت اشوف بنات خالتي كيف يكلمون ازواجهم وكيف المسجات تجيهم غزل ووله وشوق
وكل فتره هدايا

وكنت انقهر منه وابكي كثير وكنت دايم اسال بنت خالي وبنت خالي ونساء كثير حياتهم زينه
ومن الكلام الي قالوه لي ونصحوني فيه

اقراءاواشغل سورة المؤمنون +والرحمان +عبس كل يوم وبعد كل صلاه اقول الهم اجعلني كما يحبني زوجي واجعل زوجي كما احبه

وهذا دايم اقريه

(((والقيت عليك محبة مني ولتصنع على عيني اذ تمشي اختك فتقول هل ادلكم على من يكلفه فرجعناك الى امك كي تعتز عينها ولا تخزن وقتلت نفسا فنجيناك من الغم وفتناك فتونا زين للناس حب الشهوات من النساء والبنين والقناطير المقنطره من الذهب والفضه والخيل المسوقه والانعام والحرث ذالك متاع الحياه الدنيا والله عتده حسن الماب قل ان كنتم تحبون الله فاتبعوني يحبكم الله ويغفر لكم ذنوبكم والله غفور رحيم يحبونكم كحب الله والذين امنوا اشد حبا لله ولو يرى الذين ظلموا اذا يرون العذاب ان القوة لله جميعا وان الله شديد العقاب قد شغفهاحبا انا لتراها في ضلال مبين فاذا عزمت فتوكل على الله ان الله يحب المتوكلين يحبهم ويحبونه اذلة على المؤمنين اعزه على الكافرين لا تحسبن اللذين يفرحون بما اتوا ويحبون ان يحمدوا بمالم يفعلوا فلا تحسبنهم بمغازة من العذاب ولهم عذاب اليم فقال اني احببت حب الخير عن ذكر ربي حتى توارت بالحجاب ردوها علي فطفق سجا بالسوق والاعناق واخرى يحبونها نصر من الله وفتح قريب وبشر المؤمنين)))

واهتمي دايم في لبسك ونوعي في الالوان ومره البسي قصير مره طويل مره متناسق ومره لا مره البسي اكسسوار ومره لاتلبسين وكل يوم ساله شنو رايك في لبسي حلو ولا لا احس البلوزه مو جايه كثير على تنوره

قوليله حبيبي مشتهيه كثير انك تختار لي لبسي اليوم ابي البس على ذوقك(اسمه بدلع اذا كان اسمه محمد قولي حمودي)

وانتي علقي على لبسه اذا لبس بدله او شماغ او غتره وقولي له حلو عليك كذا وشعرك قصته هذي حلوه لو تحلق لحيتك شوي او تسوي الحركه هذي بتكون ياي وناسه البدله هذيك كثير حلوه عليك مشتهيتك تلبسها

ريحتك تثيرني تذوبني

اكليه بيدك اذا قالك جيبي ماي او عصير قولي له ابي اشربك من شفايفي المره هذي واشربي من الكاس وشربيه من شفايفك وخليه يشربك هو بعد
وانت جالسه معاه خلي عطرك قوي الريحه الي يحبها خليه يختار لك كل شي

اجلسي جنبه وامسكي يده لاتستنينه هو الي يبتدي حطي راسك على صدره والعبي بشعره مع كلام غزل وبوسات على رقبته واكتافه خفيفه اساليه انت تحبني قولي له اكيد تحبني

تغزلي فيه وانه هو الوحيد الي يريحك وتنبسطين معاه
مثل ما تعطينه بيعطيك لا تجيبن له طاري عن انه مايرد اذا طلع من عندك قولي له حبيبي اذا وصلت طمني عنك ماراح ارتاح الا اذا كلمتني
يعدها بفتره قولي له حبيبي طمني عنك اذا وصلت واذا كلمك قولي له اذا صحيت من النوم طمني عنك لان ينشغل بالي عليك


ارسلي له نفسي اسمع كلمه احبك من شفايفك الحلوه
خاطري اسمع صوتك الدافي
رد روحي لي ياالغالي

بس لاتكثرين مسجات لان مالها داعي على الطبيعه احسن

اذا قال بيمشي قولي له لا حبيبي لا تروح الحين لان ما اعيش بدونك

ولا تسالينه ليش ما ترد ليش وليش وليش ؟؟ بيملللللللللللل بعدين واذا انتي عارفه انه يشتغل لا تدقين عليه بوقت دوامه
غيري لا يصير روتين يوم اجلسو شوفو تلفزين اسليه يحب ايش شنو المسلسلات الي ينشد لها

يوم بحثو في النت

جننيه بحركاتك
يوم خلي الغرفه كلها شموع بلون لبسك


يوم سوي قلوب بلون احمر بالورق وانثريها على الارض وعلقي بعها بالجدران واشتري كيك ومكسرات وسوي عشاء وخلي الغرفه كلها احمر حطي رويج احمر وحطي لماع كثير ولبس احمر خلي الاضاء خفيفه كثير وميوزك رايق اول ما ا يدخل عطيه ورده قولي له اليوم بعبر لك عن مشاعر يوحبي لك وابيك تعبر عن حبك ومشاعرك لي مسا معي متعطشه لصوتك وكلامك المعسول وشفايفك مشتاقه لهم والطعمهم ابي اعيش اليوم احلى يوم ................الخ

تدلعي ترى ر جال اليوم مايبغون غير الوناسه واذا ما لقاها عندك بيدور عليها عند غيرك

ترى كل ما عطيتي اخذتي

وزوجك بيتغير شوي شوي
وبتوفيق يا حلوه واتمنى لك حياه سعيده

love-r-m

هلا حبيبتي ياقلبي والله حتى لو زعلانه كلمة حبيبي ماتفارقني ابد والله اني مومقصرة معه بشي ودايما اسوي له مفاجآت حتى اوصيه دايما يطمني عليه احيانا يطمني واحيانا ينشغل بالعمل بس اللي قاهرني شي واحد مثل ماقلت لكم مايرد على اتصالاتي ولمايدق اعبر له عن شوقي لدرجة احيانا ابكي من الشوق
وماسأله الا لما اشوف الوقت المناسب حتى اساله ليش ماترد حبيبي وينك عني وهالعبارة حفظته منه مشغول حبيبتي مليييت من هالوضع بس تدرين عمري ان قلت بخفف من اتصالاتي ماقدر وربي حاولت بس للاسف قلبي يحبه ومايقوى بعده ولا هو يقوى بس مدري ليش هل هو تغلي او يتكبر كل ماشاف مني حب وشوق له هو يقصر بتعبيره لي ولو قلت حبيبي ابيك تحسسني بحبك لي يقلي انتي عارفه اني اموت فيك مايحتاج اقولك يحيرني حبيبي والله

انتظر راي البقيه ويعطيكم الف عافيه اعزائي

والله انك كانك تحكين عني

لاااا...واللي يقهر بعد اني احيانا اسوي فيه نفس اسلوبه واطنشه طناااااااااااش مو طبيعي

وبس يكتشف اني مطنشته يقوم يتضايق ويقوللي انتي ماتهتمين فيني


بس انا غبية مااقوله كل شي يدور ببالي وغالبا ما الومه ... على قولتك احببببببببه

وبس يدق.... ابدا(ابلع ريقي) ههههههه مادري هو خوووف حب تردد ماااااااااادري ليه

ياليييييييييييت يحس..... يقهرررررررررررررررررررررررر


عالعموم انا بالرغم من حبي له ... ما افكر الاحقه ابدا ... دايما (اتثيقل)

واذا دقيت ومارد ... ما ارجع ادق... لو ان شاالله يقعد شهر

بس احيانا ناااااادرة ارسل رسالة طويله واكتب فيها كللل اللي بخاطري>>>هذا بعد ماانفك الحياااا شوي


يالله ومنكم نستفيييييييييييد .... شنسوي ؟؟؟ عطونا حلول


الله يوفقك حبيبتي ويكتب لك اللي فيه الخير ويكون قرة عين لك ومثل ماتتمنين وتكونين قرة عين له ويسخركم لبعض ويرزقكم الذرية الصالحة

بس جربي الطنااااش واضغطي على نفسك شوي... وحاولي تمسكين شعورك تجاااهه ...انتبهي تبينينه دايم.. خليكي مرة مشتااااااااااقه... ومرة مشغووووولة ومو فاضية له... ومرة كلمة ورد غطاها

(الرجل اذا تعلقتي فيه ودلعتيه زيادة عن اللزوم شاف نفسه) لاحد يسمعني خخخخ

أكيد ذكر الله يريح القلب .. ويفرج الهموم
بس اهم شي نراعي في العبادة حتى تكون مقبولة .. امرين :
"الاخلاص لله / والمتابعه لنهج المصطفى صلى الله عليه وسلم"


فمتابعة الرسول عليه الصلاة والسلام فيما جاء به أمر ضروري لقبول العبادة .. وإلا

فسنصبح من اصحاب البدعه !!


فإذا كان ورد شي من القران او السنة بتخصيص هذه الايات لجلب محبة الزوج .. فأتحفونا بها بارك الله فيكم

وزادنا الله علما وفقها في الدين


"مع الاهتمام اكثر بصحة نقل كلام الله سبحانه وتعالى وبكل حرص"

أسأل الله ان يفرج عنكم .. ويجعلكم قرة عين لأزواجكم .. ويجعلهم قرة عين لكم

__________________

من أقوال الشيخ المغامســــي - حفظه الله - :


"ماسعى ابن آدم في إصلاح شيء أعظم من إصلاح قلبه ولن يصلح القلب شئٌ مثل القرآن "






"القلوب لايصلحها شي أعظم من كلام ربها , فتدبر القرآن السبيل الأول إلى صلاح القلوب "