سلام على كل اعضاء المنتدى,هذي اول مشاركة ليا واتمنى انكم تردون عليا وتساعدوني في التخلص من حيرتي.الحكاية هي اني قبل تقريبا شهر ونص دخلت في مركزتدريب اناوخالتي وهناك قابلت المدرب اللي يكبرني بسنتين فقط وكان شاب جدا خلوق ومحترم ,الي حصل ان الشاب هذا اتعلق فيا وبمجرد ماانتهت الدورةصارح خالتي بحبه لي وانه يريد يتقدم لي.وهناك خالتي ابدت موافقتها لانها شافت انه شاب محترم وكويس .وفعلا خلال يومين خلى امه تتصل تطلبني .الجميع انبهر واتكلم كيف تقدم بهذي السرعة ولاي درجةاتعلق فيا.المهم خالاتي كلموا امي عليه وهي قفلت الموضوع وتحججت بان خالاتي انفسهم بيسافروا بعديومين وانها ماتريد تفتح الموضوع الا بعد رجوعهم.وبالفعل خالتي غلقت الموضوع مع اهل الولد لحين عودتهم من السفر,اللي حصل ان الشاب بدا يتواصل معي واناكنت ارد عليه وبدات اتعلق فيه زيما هو متعلق فيني وصارحني من البداية انه كان خاطب قبلي وانه ممكن ابوه يعرقل مسالة خطوبتنا بسسب الخطوبة الاولى.بس كان يقول لاتهتمي بتقدم يعني بتقدم وانتي لي ان شاء الله .انابعد فترة اضطريت اسافر عند اهلي لانهم ساكنين بغير المحافظة اللي اناوخالاتي ساكنين فيها.القضية انه خالاتي اجوا قبل اسبوع وهوللان ماتقدم .وانا وهو اتزاعلناقبل مايجوا بسبب تافه واتخاصمناوقلت بثقل عليه وبيرجع وهو مارجع لغاية قبل خمس ايام ارسل لي رسالة(حبي سامحيني على تقصيري معاكي بس والله متضايق وعندي مشاكل كثير والله العالم اناليش بعيد)وانارديت عليه(اناكمان عندي مشاكل بسببك بس وكل امرك لله واجعله اكبرهمك فمن جعل الله اكبرهمه كفله كل همومه وانا والله بدعيلك الله يكون معك وان شاء الله لما تخلص مشاكلك تلاقيني)والى هذي اللحظة مااعرف عنه شي.هو مارد على هذي الرسالة ولاانااتصلت ولاعاد رسلت.اريد اشوف لمتى بيقدر على فراقي.والصدق جدا مستغربة على قوة قلبه اسبوع للان ولا اتصل.اخواني واخواتي اطلب منكم الرأي السديد خصوصا اني في المشكلة فمااعرف افكر.هل اناغلطت عليه او هو شاب مستهتر.بس هو اللي لاحقني ودخل بيتنا.الان سبب لي احراجات كلهم يسالوا فينه خصوصابعدرجوع خالاتي.هل اتصله او اواصل تطنيشي.
والقضية اللي بجد اريدكم تركزوا عليها ان انابجد بجدحبيته وشفت فيه الرجل اللي اتمناه .اناالان مطنشته وانافي صدري نار.مااتصله ولاارسله وانانايمة صاحية فوق الموبايل اتمنى منه رسالة .اخواني ساعدوني في التخلص من حيرتي لان افكاري جدا ملخبطة.جزاكم الله الف خير.


الاشراف : لفظ المشيئة يكتب على هذا النحو : إن شاء الله

تم تغيير العنوان , بالتوفيق

__________________
من أراد رضاالله بسخط الناس رضى الله عنه وأرضى عنه الناس