سبحان الله كإنك تتكلمي عني
مرررة ماكنت مخططة للحمل
بنتي لسه صغيرة وانا ساكنة لحالي في غربة عن أهلي وكل المسؤلية فوق راسي
وأهل زوجي صعبين لازم اذا دخلوا البيت يلقوه تمام التمام ومايعذروك مهما كان
وكنت مخططة اكمل دراستي هذي السنة لانه المفروض اني تخرجت السنة بس لظروف زواجي وحملي الاول تأجلت الدراسة لمدة سنتين ونصف
شوفي كيف سبحان الله
طووول المدة اللي راحت ماحصل حمل وماكنت استخدم اي مانع لانه زوجي رافض وقلت خلاص ربي مو رايد ودعيت ربي كثييير انه مايحملني فوق طاقتي وما احمل
بنتي الله يحفظها عمرها سنة وشهر
شوفي كيف حكمة ربي
قبل الدراسة بشهر .. الدراسة تبدأ في 11/10
في شهر رمضان المبارك عملت تحليل منزلي وطلعت حامل !
الغريب انه مافي اي اعراض للحمل غير تأخر الدورة
والله انصدمت ومو مصدقة نفسي جلست ساعة اهلوس واقول لزوجي معقوووووووووول ؟ مو معقووووووووووول
اثنين .. حيصير عندنا اثنين
ماني مصدقة .. ماني مستوعبة
جلست يمكن ساعة وانا مصدومة
بعدها قلت انا دعيت ربي يكتب لي الحمل في الوقت الانسب لي
واكيد هذا هو الوقت الانسب .. ما احد فينا يعرف حكمة ربي .. سبحان الله
ظروفنا المادية صعبة جدااا .. زوجي ترك وظيفته وماعندنا دخل
ودراستي مادري اكملها ولا لا
انا استخرت وقلت يارب تجعل الخيرة في الحمل اذا حملت معناته ما اكمل دراسة واذا ما حملت معناته اكمل
بس مرة نفسي اكمل ومحتارة .. ايش تقترحي ؟
قال زوجي الحمد لله على نعمة ربي بس سبحان الله مو وقته ابدا
قلت له مو وقته بنظرنا احنا .. لكن بنظر ربي اللي يعلم الغيب ويعلم المكتوب فهذا هو انسب وقت
والحمد لله تقبلت الحمل وربي يرزقنا ويرزق كل محروم
تقبلي جنينك وحبيه تراه يحس بمشاعرك واحاسيسك لا تخليه يحس برفضك له والله يأثر على شخصيته بكرة لما يجي والدليل شفته في اثنين من أخواني
الله ييسر علينا حملنا وولادتنا ويلا نصير مع بعض .. ويصيروا أولادنا أصحاب .. ونتقابل ان شاء الله انا وانتي في جماد الاول ونشوف مين تولد قبل الثانية
ربي يرزقك وييسر لك كل خير
08-09-2008, 10:59 PM
ضوابط المشاركة
العرض الشجري