نايت حبيبتي

بقولك شي ويعلم الله اني اعتبرك اكثر من اخت .. واصلا هنا في المنتدى احنا كلنا احباب في الله ... يعني لو علقنا على بعض .. ترا مانقصد الا كل خير

ممكن اقول لك انك تبالغين شوي؟؟؟؟؟

زعلتي ادري


بس


ودي اقولك وقفي لحظه وتجردي من مشاعر الظلم اللي انتي دافنه نفسك فيها ... ساعات الواحد مايدري ان هو الجاني على نفسه


اقولك ليش؟

شوفي حبيبتي ... انتي لو زعلتي ولو حطيتي نفسك في خانة المساكين المستضعفين ... ايش بتستفيدين غير انك تزيدين النار حطب لان المعطيات اللي قدامك وحده وحرمان واحساس بالنفص ... ليش تزيدين الهم هم؟؟؟ يا ترى سألي نفسك ... انتي بترتاحين على تزعيل نفسك زياده .. وهل لو زعلتي .. بيتحقق لك العكس؟؟؟

كان محد غلب ... وكان كل الناس حلت مشاكلها

ادري ان الحل صعب وهو مب بيدك .. هو بيد رب العالمين .. ولو زعلتي او مازعلتي بتشوفين ايش مكتوب لك ولو تأخر الوقت


حبيبتي

الحل الامثل انك تكونين اقوى اقوى اقوى .. وتصغرين حجم المشكله بعينك .. اذا شفتي نفسك مكسوره .. طالعي اللي اقل منك

بتحسين انك احسن ... واذا مافاد ... حاولي تبلدين مشاعرك .. وخلي ثقتك بالله اكبر ... وقولي الكلمه السحريه

الحمدلله

انا كنت في حال .. وصرت في حال ثااااااااااااااااااني وبعد عذاب سنوات وقهر ليالي .. بس كنت ايش؟!!
كنت اقول الحمدلله قايمه وقاعده


وربي ماخيب ظني به

نايت يالحلوه
ترا انتي ماتقدرين تظمنين كلام الناس ولا تقدرين تصلحين الكون .. ولا تظمنين انك ماتسمعين تعليقات سواء بقصد او بدون قصد

لكن
انتي بيدك انك انتي تقوين نفسك ونكبرين نفسك وتحصنين نفسك ضد اي صدمات مقصوده او غير مقصوده


حبيبتي
انتي طلبتي ان اللي يقول يقول كلمه تخفف .. مو كلمه تزعل ... وانا اتمنى اني وصلت وجهة نظري لمصلحتك ... وانك مازعلتي منها ...

ارجوك يا نايت
احس انك حساسه وااااااااااايد ... كوني اقوى وبتصغر المشكله قدامك وقولي الحمد لله ان المشكله ... حلها بيد رب العالمين .. و مافي اكرم من رب العالمين




حبي وتحياتي لك يا الغاليه

__________________
اللهم بارك لي في ابني وارزقني خيرا
الحمدلله رب العالمين