14-10-2008, 04:43 PM
|
المشاركة الأصلية كتبت بواسطة *الماسة*
سبحان الله انا كتبت موضوع بستشير الأمهات اللي جربوا لأول مرة أولادهم يبتعدوا عنهم للمدرسة
الحمد لله أن موضوعي كان مساحة لك حرة ، وإن شاء الله بتستفيدين من ردود الأمهات ولدي الآن سبع سنوات الله يحفظه ماشاء الله عليه مستعد للمدرسة من بدري حى الشنطة وكل الأغراض التابعة لها جاهزة والشنطة كاملة كانت هدية من أبوي وأمي من دبي وفيها صورة مدهش الكارتوني وطبعاعنده هالشنطة أغلى هدية يوم الجمعة في الليل جهزها وأخذ الزمزمية وعباها موية من الليل وجهز شنطة الطعام وقال حطي السندوتش دحين تعبت حتى اقنعته اني بسويه بكرة الصباح وهددني لا أنسى هههههههههههههه المهم طول الليل يجيني يقولي كم باقي عن الصباح وأنا ارجعه للسرير وأقول لسه باقي كثير ينام ويصحى من الفرحة جا الصباح لبس الثوب ومشي للصلاة مع أبوه ورجع وحطيت له الفطور وطبعا كل اللحظات موثقة بالصور ما أحــلى بــراءة الأطــفــال وعــفويتهم ، أجل طول الله ينتظر ، ...  زوجي يضحك علية ويقولي من الصبح وانت تصورين ماشاء الله عليك المهم لبس حبيبي وودعته وقلت استودعتك الله الذي لا تضيع ودائعه بصراحة والله كم يو خايفة مرة عليه وشايلة هم إنه يتعب ولا أحد يضربه لأنه صغير مرة الله يعينك ويعين الأمهات، من هذا الخوف والقلق، معليش اسمحي لي أقول خله يجرب ويتعب وممكن يضايقه أحد ، مصيره يتعلم ويتقوى من هذه التجارب، من غير الممكن إنا نعزل تلبية لمخاوفنا، يعني لو تعرض لما تكرهين ، فمصيره يكبر من هذه التجارب ....وجهة نظر....  أصحاب زوجي المدرسين يقولوا له متأكد ولدك عمره 7 سنوات المهم وصل الحلو للبيت وجلست تحقيق معاه هاحبيبي كيف المدرسة واش سويت وحسيت إنه مبسوط ومرتاح والحمد لله اليوم الصبح اتكلم معاه وهو يفطر وقالي أنا زعلان لأنهم ماأعطونا كتب وخلونا نقرأ ونكتب ضحكنا أنا وأبوه لاحق ياحبيبي على الدراسة بس هم بيلعبوكم ويخلوكم تتعرفوا وبعدين تبدأ الدراسة وبعد مالبس جاني وسألني سؤال غريب................ ماما ..مى تخلص المدرسة وتجي الإجازة؟؟؟؟؟؟؟؟؟ استغربت ليش ياحبيبي ماتبغى المدرسة قال إلا أحبها بس أمي قالت لي (قصده أمي أنا) إنه خالتي .......بتجي في الإجازة ونفسي أشوفها.... قلت إن شاء الله تجي ونسوي لك حفلة بنجاحك وهي بتكون معانا (أختي مسافرة أمريكا للدراسة هي وزوجها الله يوفقهم ويجيبهم بالسلامة) ماشاء الله ما في أحلى من بــراءتهم ومفاجأتهم السارة ومواقفهم العفوية أمداه يمل من المدرسة ويشتاق للإجازة ، ما سبع سنين كان في إجازة ...... ولأن ولدي أول حفيد للعائلة فكان الدلع كله من نصيبه عشان كذا متعلق في أمي وأخواتي والحمد لله مر ثاني يوم بسلام وجاني مبسوط ومعاه هدية مسدس ومعاه بطاقة مكتوبة فيها اسمه والصف أما أنا اجلس اتذكر الأيام اللي كنت اجلس انا وياه ونفطر سوا ونلعب بلاي ستيشن ومساعدته لي في ترتيب البيت هـذه هي الدنيا وإن شاء الله بتشوفينه يحمل شهادة دكتوراه ويدخل عليك وأبوه ويبشرك ...  الله يوفقه ويسعده إن شاء الله ويرضى عليه ويصلحه لي ولأبوه معليش أخوي عزوبي طولت عليكم بس حبيت أحكي لكم حكايتنا الحلوة والمعذرة منكم تحيــــــــــــــــــــــــــاتي |
| مواقع النشر |
| الكلمات الدليلية |
| أول, حال, دراسي, يوم |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري