طبعا اختي ارجعي لزوجك و اجلسوا مع بعض جلسة صلح و مصارحه و كل واحد يقول اللي في خاطره
لكن يا اختي ما اوصيك على زوجك .. في بعض الحريم الله يهديهم تتعامل مع زوجها و كأنه اخوها او ولدها
الصغير من حيث اسلوبها في الكلام و الطلبات اللي ما تنتهي ..
اختي مثل ما تعاملين مديرتك في العمل بكل احترام يجب ان تتعاملي مع زوجك بنفس هذا الاحترام ..
خليكم راقيين في تعاملكم مع بعض .. اختي بمجرد ما ينفقد الاحترام في البيت خلاص تنتهي الحياه ..
لازم يكون هناك حدود في التعامل مع بعض لا تتجاوزوها لان تجاوز هذه الحدود يفقد الطرفين الاحترام ..
خليك راقيه و رقيقه في التعامل مع زوجك و لا تترفعي و تتعالي عليه و نظرة انه راعي غنم هذه الغياه من راسك
انظري لزوجك و كأنه ملك و تعاملي معه على هذا الاساس صدقيني راح تتغير معاملتك له و راح تتغير ردة فعله
لك و راح يعاملك مثل ما انت تعامليه و راح تتغير حياتكم للافضل .. المسأله محتاجه للمحاوله و الصبر يعني مو
في يوم و ليله راح تتغيرون ..
همسة في اذنك اختي .. الحرمه مو كل يوم لها زوج .. حافظي على زوجك اختي و ضعيه تاج على راسك
و من قلبي ادعوا لك بالسعاده و الهناء ..
17-10-2008, 02:42 PM
ضوابط المشاركة
العرض الشجري