بصراحة استغرب من اللي قالو اللي يكلم فترة الملكه ما يلقى شي يقوله بعد الزواج وتنتهي السوالف؟؟!! بالله عمركم سمعتو عن احد انتهت سوالفه؟؟ يعني انتي وامك او اختك مثلا قعدتو فتره تسولفون بعدين جاكم يوم خلصت سوالفكم؟ صرتو تجلسون مع بعض ساكتين؟؟! مادري اشوفها من اغرب العبارات اللي قد سمعتها بحياتي..

انا قعدت سنة مخطوبة وشهرين متملكة وكلها مكالمات ومسنجر من بداية الخطوبة والحين لي سنة وخمس شهور متزوجة ومابعد خلصت سوالفنا الحمدلله باقي شوي لووول..

طبعا انا ضد اللي ما بكلمون فترة الخطبة او الملكة وبصراحه في محيط عائلتنا كثير ما يؤيدون المكالمات وبعضهم يتعمد يخلي فتره الملكة قصيرة مرة اسبوعين مثلا عشان مايمديهم يكلمون بعض واجد وللاسف انتشر الطلاق بالفتره الاخيره الزمان تغير والبنات ماعاد تتحمل زي اول اي عيب مجرد ما تكتشف بعد الزواج انه بخيل او عصبي او يضرب تهرب بيت اهلها ومحد يلومها لذلك بدأت تتغير الطريقه صارو يخلون البنات يكلمون ويكلمون عشان ما يتفاجأون بشي بعد الزواج وعشان تعرفه قد ماتقدر.. من السوالف الواحد يكتشف التفكير المبادئ القيم الاخلاقيات الطبائع ماتعود عليه وتربى عليه واهله كيف طريقتهم وحياتهم وو..

يعني يعتقدون ان كثرة المكالمات تؤدي الى فك الملكة او الخطوبة انا اقول هذا افضل من الطلاق بعد الزواج ويعتقدون انها تطفئ الشوق انا اقول سلملي عليهم المكالمات تولعهم وتشوقهم اكثر واكثر واللي تقولي تنتهي السوالف... بدون تعليق

__________________

معك حق اختى

الموضوع اكبر بكثير

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}