حل سحري لـسواد الإبطين , // - منتدى عالم الأسرة والمجتمع

04-11-2008, 12:08 PM

منت عاجبني

شيف المنتدى المتألقة

تاريخ التسجيل: Sep 2007

المشاركات: 1,615

حل سحري لـسواد الإبطين , //

السلام عليكم يا بنوووتات يا حلوووين ,,

أكيد معظم البنات تشتكي من سواد المنطاق الحساسة
وخصوصاً الابطين ..... واماكن ثانية

أنا حبيت اقولكم تجربتي عشان تستفيدون

بس أمانه الي حست فعلاً موضوعي اضاف شي ايجابي تدعي لي بصلاتها

المهم أنا بقولكم السالفة من البداية (الله يعينكم) عشان تكون الفائدة اكبر
وليس فقط لـ سواد الابط ..

أنا مادري اشصار لي فجأة وطلع لي سواد في رقبتي .. كان مضايقني وايد
وخصوصاً إن مكان العنق المفروض يكون ابيض وشكله حلوو (احس هالمنطقة تجذب الرجل)
وفوق هذاا فشله شنو بقولون الناس عني (رقبتها سودة) ؟؟

لأن صاير شكله مو حلوو وكأنه وسخ !!!

ما قدرت أتحمل أكثر ورحت لطبيبة جلدية مشهورة عندنا بالبحرين مع زوجي ...
وقلت لها بسالفتي ... اول شيء هي توقعت إني حامل وممكن هالسواد من الحمل
بس قلتها إني مو حامل .... وبعدها وصفت لي كريم مع دهان ..
أنا الحين استخدمهم والحمد لله في تحسن للأفضل يوم عن يوم
ولكني انا كسلانة احط لي يوم واتركة عشرة !! ما عندي شيء يسمونه نظام

وإلا المفروض يكون الكريم خلص وحصلت على النتيجة الصحيحة ...

المهم مو هذي سالفتنا !!!

أنا لقيت في علبة الكريم الي وصفته لي (كاتلوج) يضم منتجات هذي الماركة
والصراحة اعجبتني المنتجات جداً جداً ,,, واغلبها تساعد على تبيض مناطق منفرقة من الجسم
وأنا ارتحت لهذي الماركة وخصوصاً إن دكتورة جلدية اهي وصفت لي منتج من منتجات هالماركة

وكان في منتجات وايد ,,, من صابون وكريمات ولوشنات والـ..خ
وكل منتج يخص شي معين بالجسم (مثل: الابط - الرقبة - الركبة - الاكواع - والرجل..الخ)

بس الي لفت نظري ,, إن عندهم (مزيل عرق) يعمل كـ مزيل وفي النفس الوقت يبيض المنطقة !!

أنا ما قدرت اصبر وعلى طول نزلت الصيدلية مع زوجي وشريت المزيل ...
الحين صار لي اسبوع من استخدمته (ولكني ما استخدمه كل يوم)

واليوم قعدت من النوم امشط شعري ,,, الا انتبه حق اباطي !
صراحة اتفاجأت لأني استخدم المزيل ورايح عن بالي إنه يبيض الاباط

ما اقول لكم صار ناصع البياض ,,

بس حسيت بفرق شاسع جداً ... وهذي النتيحة بالنسبة لي جيدة جداً لأني لا استخدمه كل يوم
(طبعي التجديد والتنويع) عندي أكثر من اربع مزيلات كل يوم أحط لي من واحد !!

بس الحين قررت هالفترة استخدمه يوميا ً ,,, لحد ما اوصل لنتيجة الي ترضيني ....

الحين باقي شيء واحد ... وهو إني اقولكم اسم ماركة المزيل ...
وهي اسمها Beesline ... وطبعاً يوجد مزيلات بنكهات متنوعة ويوجد ايضاً بدون رائحة
وأنا اخترت مزيل على ثلج

(وإذا تبون صورته من عيوني احطها لكم)

هذي تجربتي انقلها لكم ,,
ولا تنسون باقي المنتجات لأنهم صج

ولا تنسووني من صالح دعائكم ,,
أحبكم في الله /

__________________

حموودي وأبو حمودي

الله يخليكم لي

شمعة تنور لي حياتي

ووردة تعطر لي دنيتي

احبكم 3>

التعديل الأخير تم بواسطة منت عاجبني ; 04-11-2008 الساعة 12:15 PM

04-11-2008, 12:12 PM

رومانسيه عاطفيه

قلب المنتدى النابض

تاريخ التسجيل: Jul 2008

المشاركات: 3,076

جزاك الله خيرا ..
بس ماله اعراض جانبيه ؟؟

__________________

04-11-2008, 12:15 PM

warda_soud

عضو متألق

تاريخ التسجيل: Aug 2008

المشاركات: 846

هلا فيك حبيبتي
انا عمري ما شكيت من سواد الابط ودايما نظيف وابيض بس مبار ح انتبهت انه في سواد خفيف وانجنيت من المنظر
وتأكدت انها الة مزيل الشعر لاني صارلي فترة بستعملها,,, وكنت بالاول استعمل الحلاوة وقررت ارجع للحلاوة مرة هيك ومرة هيك
ورح اسأل عن مزيل العرق الل يحكيتي عنه وان شاء الله بلاقيه

__________________

اللهم انك وهبت لي أبنائي من غير حول مني ولا قوة......فاحفظهم بحفظك بلا حول مني ولا قوة........وبلغني فيهم غاية أملي بحولك وقوتك يا كريم يا منان......

اللهم آمين

04-11-2008, 12:17 PM

منت عاجبني

شيف المنتدى المتألقة

تاريخ التسجيل: Sep 2007

المشاركات: 1,615

اقتباس:

المشاركة الأصلية كتبت بواسطة رومانسيه عاطفيه

جزاك الله خيرا ..
بس ماله اعراض جانبيه ؟؟

هلا حبيبتي ,,

والله أنا عن نفسي الحمد لله ما صار لي أعراض ابداً...
وأنا مرتاحة لإستخدام هذه الماركة لأن الطبيبة واثقة منها ..
بس الله اعلم !

بس والي يسلمج لا تخرعيني لا تستخدمينه
الي اعرفه الحامل ما تستخدم اي شي ؟!

اقتباس:

المشاركة الأصلية كتبت بواسطة warda_soud

وأنا ايضاً استخدم الامجوي في ازالة الشعر .. ولكني خلاص بطلت الحين
وصرت ما استخدمها إلا اذا كنت مستعيلة او مشغولة ,,
لأن الصراحة مافي على الحلاوة

__________________

حموودي وأبو حمودي

الله يخليكم لي

شمعة تنور لي حياتي

ووردة تعطر لي دنيتي

احبكم 3>

التعديل الأخير تم بواسطة منت عاجبني ; 04-11-2008 الساعة 12:21 PM

04-11-2008, 12:31 PM

منت عاجبني

شيف المنتدى المتألقة

تاريخ التسجيل: Sep 2007

المشاركات: 1,615

في شيء مهم نسيت اقوله ,,

وهو إن منتجات هذه الماركة طبيعية 100% مثل ما هو مذكور بالكاتلوج

اقتباس:

beesline
مستحضرات بيزلين اللبنانية
لتفتيح البشره لاتحتوى على اية مواد كيميائيه مبيضه مثل الهايدروكوينون
مستحضرات بيزليـــــــن اللبنانيه الشهيره مستحضرات غنيه عن التعريف وطبعا تعرفها كل امرأة تسعى للنعومه والجمال
مستحضرات طبيعية 100%

__________________

حموودي وأبو حمودي

الله يخليكم لي

شمعة تنور لي حياتي

ووردة تعطر لي دنيتي

احبكم 3>

04-11-2008, 12:44 PM

هموووم

عضو متألق

تاريخ التسجيل: Mar 2006

المشاركات: 1,984

جزاك الله خير اختي ...

طيب سؤال غبي بس تحملي هههههههههههههه...

كم سعره ؟؟

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

04-11-2008, 12:49 PM

منت عاجبني

شيف المنتدى المتألقة

تاريخ التسجيل: Sep 2007

المشاركات: 1,615

والله أختي أنا شريته تقريباً بـ 4 دينار و750 فلس
مادري انتي من وين بس بالريال يعني (47 ريال) تقريباً ,,

بس الحين قاعدة اتصفح النت وابحث ,,
لقيت وحدة تقول شرته بـ 35 !!

بس مو غريبة لأن الصيدلية الي اتعامل معاها
وايد تبالغ بالسعر ,

====

بلييز ,,
الي استخدمت المنتجات تذكر لنا شنو استخدمت بالضبط
وهل استفادت والا لا ؟

__________________

حموودي وأبو حمودي

الله يخليكم لي

شمعة تنور لي حياتي

ووردة تعطر لي دنيتي

احبكم 3>

التعديل الأخير تم بواسطة منت عاجبني ; 04-11-2008 الساعة 12:52 PM

04-11-2008, 01:08 PM

هموووم

عضو متألق

تاريخ التسجيل: Mar 2006

المشاركات: 1,984

اهاا يعني حلو سعره مو غالي ...

اذا فيه شي ثاني من نفس الماركه وحلو استخدامه ... خواتي لاتقصرون ...

ربي يسعدك اختي ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

التعديل الأخير تم بواسطة هموووم ; 04-11-2008 الساعة 01:11 PM

04-11-2008, 01:12 PM

om mody

قلب المنتدى النابض

تاريخ التسجيل: Aug 2006

المشاركات: 2,150

مشكوره وربي يسعدك يارب

ممكن تحطي لنا صورته بعد اذنك

__________________

أللهم إنك عفوا كريم تحب العفو فأعفو عنا

04-11-2008, 01:14 PM

#10

warda_soud

عضو متألق

تاريخ التسجيل: Aug 2008

المشاركات: 846

والله أختي أنا شريته تقريباً بـ 4 دينار و750 فلس

حبيبتي انت من وين؟؟؟؟؟
دينار ؟؟؟؟ اردني؟؟؟؟؟؟؟؟؟؟؟

__________________

اللهم آمين

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه