انا حاسة بالحزن بسبب الامور اللي مرت عليا الايام اللي راحت و اني توقعت يمكن ردة فعل احسن من زوجي
انا نفسي انه يعبر عن اللي هوا حاسس بيه حتى لو كان جارح المهم ما يتجاهلني
الفترة الاخيرة لاحظت و واضح زي الشمس انه يبغى يبعد باي وسيلة عني
و حتى يوم الاجازة جاب اهله و اليوم اللي بعده قال نطلع عندهم من غير ما ياخذ رأيي و هو بيعرف انا قد ايش كنت ميته على يوم الاجازة هذا و منتظرته بفارغ الصبر
كمان قبل الحمل بينت له اني ما ابغى اخوض التجربة مرة تانية مع المنشطات لانها بتتعب نفسيتي جدا و لان المرة الماضية انتكست بعد الاجهاض و ما ابغى ارجع لهذيك الايام
و هو اللي قاللي لا تشيلي هم انا جنبك
و اتفاجأت به و من يوم الاجهاض لحد اليوم و هو ابعد ما يكون عني و عن اللي مريت فيه
باحاول اني اضع له الاعذار قدر المستطاع
اليوم في الصباح حطيت له ملابس العمل و جهزت له اشيائه كلها عند الملابس و دخلت اكوي و قفلت الباب على نفسي
و لبس و خرج من البيت من غير ما يعدي عليا او يكلمني
ح اشوف الظهر اش يصير معاه و ارد اقلكم اش صار
والله منهكة نفسيا و لما خرج من البيت ارتميت على مخدته اشم ريحته و ابكي من القهر
آخر شي افكر فيه هو الانفصال طبعا و لكن من فرط حبي له و باعتبار انه مستعجل على الخلفة و الضغط عليه زايد اتخيل انه تزوج و خلف من تانية اموووووووووووووووت قهر والله
__________________
رب لا تذرني فردا و انت خير الوارثين
26-11-2008, 08:20 AM
ضوابط المشاركة
العرض المتطور