المشاركة الأصلية كتبت بواسطة تركي العالمي

حبيبي

اخذ نصيحة اخوك، ثلاث شهور خبره زواج

وش تحرمها وما تحرمها ، يا اخي حرام عليك ، با العكس البنت ما تنلام ،، بعض بناتنا ما يتخيلون احد ينام جنبهم ، مجرد تخيل، فما بالك با الجماع، مع الالام الي ترافق العمليه ، سواء حسيه او معنويه.

با العكس بدال ما تحرمها وما تأكل من طبخها ،، خليها ترتاح لك ، لا تنام الا وهي بحضنك ، لا تجلس الا وهي بحضنك، لا تاكل الا بعد ما تاكل ، خليك لاصق فيها لمده اربعة ايام الى اسبوع ، صدقني ، والله ثمن والله انها بتسلمك الخيط والمخيط ، وانت عاد واسلوبك في تحكيم امورك الخاصه ما احد يتدخل فيها .

واذا سمعت نصيحة اخوك في الله،، زوجتك المسكينه تقول بتألم بتألم ، وهذا اكبر دليل على ان راسها متعبي من ان فيه الام كثيره وبتتعب.

صحيح الالم موجود ، ولكن موب قد ما تتخيل .

خليك واثق من نفسك، واعرف انت وش قاعد تسوي مع زوجتك ، شريكة حايتك.

لو تحرمها منك او من الاكل من طبخها او من خدمتها لك، بتحس انك ماخذها عشان الجماع والامور الجنسيه.

قلها الجماع او الامور الجنسيه موب شي اساسي بحاتنا، هذا يكون اخر شي ، المهم اني احبك وتحبيني ، افهمك وتفهميني، اعرفك وتعرفيني ، وصدقيني بعد هذا كله بيجي الجماع منه واليه.

والله ثمن والله ان ترتاح معك راحه موب طبيعيه ، وصدقني بيجيك يوم وتقول اوووه يا حليلنا ذيك الايام.

على اي حال، هذي زوجتك ، امانه برقبتك ، اتق الله فيها ، وان سوت اي شي معك صدقني انها ما تنلام، توها جديده على ها العيشه وها الحياه.

والمهم لا تحاول انك تختلق المشاكل بسبب الجماع او حتى اثناء الجماع ، خليك اول شهر عادي ، حاول انك تجامعها بأي اسلوب كان ، ولا تعلق كثير ، حاول انك تبين لها انك مرتاح معاها كثير، وهي بتحبك ، وبتحب تمارس ها الشغله معك ، لأنك ما راح تحسسها ان الشغله صعبه.



المهم الان

نصيحه ، هي مجرد نصيحه


ولك الحق في اخذها ورفضها

في اول ايام الجماع مع زوجتك، او او مرات الجماع

حاول انك ما تستخدم كريم مزلق او اي نوع ثاني.

هي مجرد نصيحه لا اكثر ولا اقل. ما ودي اذكر الاسباب للذوق العام ، ولأسباب كثيره ، ولكن ان طلبتها بقولها لك ومن عيوني الثنتين.

الله يوفقكم ويجمع بينكم في خير.

اخوك تركي