السلام عليكم

مشكلتي مثل ما هي واضحه قدامكم انا مملك من اسبوعين ولله الحمد مشكلتي انه لما اقول اقول كلام حلو ما احس انه طالع من قلبي واحس اني نوعا ما سخيف او ثقيل دم والله قاعد احاول ويطلع مني بس ما حبيت نفسي وانا اقولها ابدا اكيد هذا طبعا لأني ماني متعود اقول كلام حلو من قبل يعني "غشيم" في العلاقات مع الجنس الناعم يا جماعه وش الحل ؟ انا ماني مبسوط وانا ما اقول كلام حلو ولا انا مبسوط وانا اقوله وش الحل ؟

على فكرة انا حاليا في دولة اخرى يعني ما فيه وسائل تواصل غير التلفون


الاشراف : عذراً اخي تعديل بسيط في العنوان . بالتوفيق

أخي العزيز

أنا خاطب يعني باقي ما ملكت

لكن أنا عجبني كلام الدكتور الصغير في دورة سواها في هذا المنتدى الأكثر من رائع
وأسم الدورة مراحل الزواج الثلاث على ما أعتقد

وقال يفضل أنه المملك ما يكلم زوجته إلا لحاجات ضروريه
عشان ما تحرق ليلة الدخلة يعني تصير ليلة الدخلة أكثر جمالا

أنا أشوف بما أنك غشيم مثلي سوي كلام الدكتور أنك ما تكلمها
هذا الحل إلي أشوفه

مع احترامي لك اخوي انس .. واحترامي للدكتور اللي يقول انه الكلام في الملكه مايكون الا قليل عشان مايحرق ليلة الدخله .. فلي اعتراض على هالكلام .. واتمنى يسع صدرك له ..

اذا خونا في الله يقول انه غشيم " مع اني ما اؤيد هالكلمه " في الكلام مع الجنس الناعم .. وهالشي طبيعي جدا لانه ماصار لهم فتره طويله مملكين .. وهو بروحه يقول احس انه الكلام مب طالع من قلبي ..

هالشي طبيعي جدا .. وبالعكس الكلام في فترة الملكه يخفف الرهبه على الطرفين .. مب لازم ليلة الدخله تكون شبح للعروس والعريس والا مابيصير لها طعم ..

احلى هم الاثنين ياخذون على بعض ويرتاحون لبعض في فترة الملكه .. " بحدود طبعا " .. يعني اذا الكلام لوحده " حتى بالنسبة لي " كان هاجس واشلون اقول له كلام حلو .. فما بالك اشلون ليلة الدخله واللي يصير فيها ..

اخوي " تعبت اعطي " الله يبعد عنك التعب .. نصيحتي لك .. انك الحين تخف من الكلام الحلو .. لين ماتخليه يطلع من قلب قلبك ... لا تصطنع الكلام الحلو .. خليه طبيعي وطالع من قلبك وصدق حبك .. وان شاء الله بتلاقي كل خير من حبيبتك ..

موفق ان شاء الله

اختك .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

ولماذا التكلف يا أخي.


الكلام الحلو (حلاته) عندما يكون من القلب والخاطر ..... أما الكلام لمجرد مسايرة الوضع و(ما دمت ملكت فيجب أن أقول كلام حلو) فهذا أمر غير صحيح بالتأكيد.


لا تستعجل على نفسك .. وانتظر حتى تتبلور مشاعركِ تجاهها وبعدها سيخرج الكلام الحلو تلقائياً .. ولن تشعر حينها أنك ثقيل الدم


وفقك الله.

__________________


اللهم طِيبَ الأثر .. وحُسْنَ الرحيل.

الكلام الي يخرج من القلب يدخل القلب معناته العكس صحيح
لا تقول كلام انت منت مستسيغه الين يطلع لحاله
ذاك الوقت اكي بتحس انك عكس كلامك
بالتوفيق ان شاء الله

__________________

اخونا في الله مبروك

بعدين لا تشيل هم خليك طبيعي سولف معاها بمواضيع عادية ومع الأيام بتتعمق المواضيع وبيزيد الترابط اللي بينكم وبيطلع الكلام الحلو من حاله

وانت مملك من اسبوعين بس يعني توكم

بالتوفيق إن شاء الله

يا عزيزي مع احترامي الشديد للدكتور الصغير بس ما راح افرط في في الوقت الجميل هذا عشان ليلة واحدة وانا اقول انه يحرق ليلة الدخلة كلام فيه نظر لاني ارى بالعكس كل ما تعرفتوا على بعض كل ما ارتحتوا لبعض وتخف رهبة ليلة الدخلة ويكوت محلها فرح وسعادة.

والله قاعد افكر كذا بس تتوقعين انها ما راح تستغرب او تتضايق من التغيير هذا ؟

يبدوا اني ما وضحت لكم مقصدي اقصد اني لما اطلع مشاعري برا احس اني ماني مرتاح لأني ماني متعود على كذا ابدا من الطبيعية الي كانت عايش فيها ومتربي عليها يعني الرجال يدوس على مشاعره ولا يظهرها.

والله من القلب وهذا الي مخليني حالتي حاله يبدو ان اخواتي من الجنس الناعم صعب عليهم فهم مشكلتي.