حبيبتي هم اطلقوا والا لسه
انا حاسه ان امه بعد كل هذا العناء لن تتطلق من والده
مش عارفه عندي احساس ان الست دي بتعمل حركات علشان والد زوجك يعقل ممكن الله اعلم
لكن انا اخواتي الاكبر مني لهم نفس المشكله ولكن الفرق ان والد ازواجهم توفى وبقيت حماتهم(حماه مشتركه) وحيده
ولها حركات بس بصراحه مش مثل حركات ام زوجك
المهم انا شايفه انك اولا تستخيري الله لانها فعلا مسأله محيره
ولكن هل ام زوجك كبيره قوي عجوزه يعني
يعني تقدر تخدم نفسها والا لا
انا ليا ابن عمي سايب عمي العجوز لوحده في مصر بعد وفاة زوجته وقاعد في الغربه مع زوجته واولاده
شوفي حبيبتي انا رايي انها مسأله اختياريه لكي يعني بعد ما تصلي استخاره انا شايفه لو كنت مكانك كنت هرفض لان طالما امه تقدر تخدم نفسها وعندها بيتها في مصر مفيش داعي ولا ضروره انها تقعد معاكم
وممكن اخوه كل فتره والتانيه يطمن عليها يروحلها مره وهي تيجي مره
وزوجك يسال عليها بالتليفون وينزل مصر كل ما احتاجتله
ومتحمليش هم جايز تيجي من عند ربنا وميتطلقوش
وحاولي تخلي زوجك يقنع ابوه انه ميطلقهاش
اما اذا كانت لا حوول لها ولا قوه ومش هتقدر تخدم نفسها وعمرها كبير مثلا فحاولي تتفقي مع زوجك انكم مهما حصل ان زوجك يقولها لا تتدخل ابدا بينكم
والله يوفقك ويكتبلك الخير يا رب
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))
07-01-2009, 06:05 AM
ضوابط المشاركة
العرض الشجري