حبيبتي المصرية
والله موقف صعب جدا انك تري دموع زوجك لما يتكلم عن قسوة حياته
انا مقدرة حالتك لاني مريت بموقف مشابه
طبعا حبيبتي فعلا زي ما قلتي لازم تحسسيه بحبك قوي اليومين دول
ولو فعلا هتروحي له يبقي احسن واحسن
هيفرح بيكي جدا جدا ويا سلام بقي لو تاخدي بوكيه ورد معاكي وكرت فيه حبة كلام رومانسي
وتعزميه برة في مطعم شيك (طبعا ممكن يصر انه هوه اللي يدفع ) طبيعي جدا
عادي مش مشكلة المهم ان دي فكرتك انتي
لو ما قدرتيش تروحي له اتصلي بيه
وقولي له انه لازم يجي بكرة
علشان واحشك جدا وانتي عاملاله مفاجأة
وممكن تعملي له عشا حلو وتجيبي تورتايه ويا سلام لو انتي اللي عاملاها
وبالنسبة للفرح يا بنتي والله مش فارقه كتير 2 من 6
يعني لو هوه فعلا مصر انه يعمله في فبراير حاولي توافقي والله الحاجة ممكن تجيبيها بسرعة
تعرفي مهما العروسة عملت لازم تتزنق برده في اخر لحظه
والله انا كنت بجهز في حاجتي من اول الخطوبة ويمكن من قبلها كمان
وكنت مرتبة كل حاجة حتي الفرش قبلها باسبوعين علشان الحق ارتاح
ومع ذلك حصلت شوية تاخيرات في المطبخ واتعطلت
واسبوع الفرح الحمد لله كنت نايمة في السرير عندي نزلة برد حادة
ويوم الحنة اللي كنت مرتبة فيه الترتيبات مفيش منها حاجة حصلت لاني كنت مريضة وباخد حقن (اهئ اهئ اهئ )
طبعا بعد الشر عنك يارب تفرحي كده بكل دقيقه
المهم اللي انا عايزة اقولهلك ان التاخير مفيش منه فايدة
يعني لو تقدري تعجلي يالفرح يبقي كويس لانه اكيد محناجلك جنبه تعوضيه شوية عن اللي قاساه في حياته
تمياتي لكي بحياة سعيدة موفقة
__________________
اللهم بارك لي في زوجي وفي ابنتي واجعلها ذرية صالحة
10-01-2009, 04:25 AM
ضوابط المشاركة
العرض الشجري