اختي بارك الله فيك ارد واقول لك اغلب النساء مب ضد التعدد اشعر انك كاتبه موضوعك عشان تقولين للكل زوجوا ازواجكم ..

يا اختي كيف تقولين انه هو يقدر يفتح بيت ثاني والا لا .. لا يختي مب حر .. اذا هو مب قادر يفتح بيت ثاني ويعدل .. حرام يتزوج زوجه ثانيه .. لانه بيظلم الزوجة الاولى وبيظلم الثانيه ايضا ..

يا اختي صلي على النبي واذكري الله .. الزواج والتعدد مب حرااام ولا احنا ضده .. لكن يا اختي للاسف بعض رجال هالايام مب قد هالمسئولية وللاسف يطبقون اللي يبونه من الكتاب والسنه ويتركون الي مابيونه ..

بعدين يا اختي الفاضله انتي شايفه بنفسك كيف الزمن الحين سريع .. والاوقات تطير في الدوامات وغيره .. من اللي يقدر يفتح بيتين في هالزمن الا من رحم ربي ..

اختي الفاضله .. التعدد شي كبير ومتشعب .. والحمدلله يارب نسائنا من غافلين عن هالموضوع .. لكن يا اختي اذا الحمدلله انتي راضيه وتبين تزوجين زوجك الله يسهل دربك .. انا ايضا كنت اقول لو زوجي يبغي يتزوج انا بخطب له .. وكنت اقول ليش النساء في المنتدى معترضين هالكثر على الزواج .. انا ما اتمتى هالشي يصير لكن لو صار ما راح استغنى عن زوجي ..

لذا يا غاليتي .. استغلي اسلوبج الرائع في طرح مواضيع راح يكون لها هدف وغايه .. هالموضوع جدا حساس جدا جدا .. وفعلا ينرفز الحريم .. نصيحني لج اذا انفتح هالموضوع اشرحي وجهة نظرج ولاتجبرين الناس عليها .. وذاك الوقت اللي يبي ينافشك قولي له اللي عندك .. لكن لاتستفزين الحريم بهالموضوع .. لانه الغيره شي طبيعي وعمرهم الحريم اللي حاطين في بالهم انهم ماراح يقتنعون بهالموضوع ماراح يقتنعون الا لا قدر الله لا قدر الله لو انحطوا في هالوضع وشافوا انه الريال يقدر يعدل ..

اختي الغاليه ارد اقول لج .. اسلوبج جدا رائع وراقي .. وتقدرين تستغلينه في مواضيع احسن من هذا .. لانه فعلا المنتدى امتلاء بهالموضوع .. وفي النهايه كل انسان حر في اتخاذ قراره وفي قدرته على الصبر والتحمل ..


بارك الله فيك . وبسر لك اللي في الخير يارب ..

اختك . ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...