ما رأيكن بالزواج من اجنبي ؟ - منتدى عالم الأسرة والمجتمع

16-01-2009, 06:00 AM

#25

دلوعة ومنحوسة

عضو متألق

تاريخ التسجيل: Dec 2007

المشاركات: 742

اختي الكريمه يا-رب..
هل سألتي نفسك.. هل بتتحملين الغربه عن وطنك والبعد عن اهلك؟؟؟

هل فكرتي ممكن تعيشين سنين عمرك محرومة من اهلك؟؟

خصوصا اوضاعنا في الدول العربية.. والاوضاع السياسية بين دول العالم..

فيه غيرك كثير تزوجت من غير بلدها.. ومن يوم زواجها كان اخر يوم شافت فيه اهلها .. وتجلس بس تتلقى العزاء فيهم.. والله وضعهم محزن.. اللي من 40 سنة ما شافته اهلها وتتلقى كل كم سنة خبر موت واحد منهم.. تسمع لمتهم واجتماعهم وهي باقية وحيده في بلد المهجر..

فيه وحده مثلك خطبها واحد غير عربي بالمره.. ومن دول فقيره.. رفضوا اهلها واصرت.. بس اصرار اهلها كان اشد.. وبعدها تزوجت من قرابتها.. الحين تقول احمد ربي .. انه تزوجت قريبي ووولد بلادي.. تفكيري كان طائش لما بغيت اتزوجه..

لاتفكيرين بالمثاله.. احنا مو بعصر الرسول صلى الله عليه وسلم.. ولا رجال اليوم هم بشخصية الرسول.. ولا نساء اليوم هن السيدة خديجة..

انا يوم كنت افكر اتزوج غير شباب بلدي.. ولكن اليوم اقولك لا والف لا... مافيه الا شباب بلادي.. ماعندي استعداد افارق اطهر ارض.. ماعندي استعداد اعيش عيالي في بيئة غير بيئتنا المحافظة.. ما راح افرض على بناتي الحجاب الشرعي اذا عاشوا في مجتمع غربي..

اعرف وحده.. كبرت كثير بالسن واكثر خطابها متزوجين.. ورفضت واصرت تتزوج عربي..تزوجته وهي كبيره تبي تنجب.. بدأ يلعب فيها لعب مره يمين ومره يسار.. اذلال مابعده اذلال بس مسكينة ماتبي الطلاق تصير وتتحمل الاهانات.. وهي في بلدها..عايشة.. ونفس الوقت خايفه تنجب وياخذ هذا الطفل.. وتبقى سنين عمرها ندمانه.. تخيلي العذاب اللي عايشه فيه..

هذي قصة من قصص كثيرة... لاتفكرين انك ماتزوجتي لاجل كذا او كذا.. ماتزوجتي لانه الله ماكتب لسه هذا السبب الحقيقي... وضعت الاقلام وجفت الصحف... وامر الله ماشي فينا وقضائه راح نشوفه..والناس لو اجتمعوا على انهم يعطونك شئ ما قدره الله لك.. ما راح تاخذينه..

ولاحظي كثير يتزوجون تستغربين شلون تعرفوا العوائل على بعض.. لكن سبحان الله لما أراد هيأ الاسباب..

وبقولك ملاحظة مع احترامي لجميع الدول العربية.. ما ادري من اي مجتمع انتي بس باين محافظ.. اختي بعض المجتمعات العربية.. عاااادي جدا البنت مثل الولد.. مافيه حرص وخوف عليها.. تلاقينها من 16 سنة تسافر لوحدها.. تعيش بين الدول تشتغل في مهن ممكن تعرضها للخطر..وبعضها مهن محتقره.. وما راح يهتمون يدققون.. اهم شئ تعيش نفسها.. حتى من تتزوج ممكن تتزوج وهي بعيد عنهم.. ولا يسألون في زوجها ولا شئ..

وانصدمت مره في وحده عايشه معي ببيئتي.. وهي من غير بلدي ومجتمعي.. لما جاء الزواج شئ غريب عجيب.. جاء رجال وبس..لا سؤال عنه.. ولا سؤال عن الامراض الوراثية.. ولا سؤال في عائلته وكيف سمتعهم .. ومذهبهم..وكيف اخلاقياتهم.. لا بس جاء رجال خلاص اخذها..وهو حتى مو من نفس بلدها..وهو اقامته راح تنتهي .. وممكن يغادر البلد نهائي.. سألتها قبل زواجها سؤال هل راح تستحملين حياة الهجرة في حال هاجر زوجك لكندا وغيره.. لقيتها على استعداد تااااام بدرجة ماتتصورينها.. انها ماتشوف اهلها مدى الحياة..وانها عادي تعيش بدون ماتشوف اهلها مثل ما امها عاشت بدون ماتشوف اهلها..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

التعديل الأخير تم بواسطة أطيـــــــاف ; 16-01-2009 الساعة 08:27 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه