قبل الزواج شيء طبيعي نحاول نختبئ اذا بنآكل شيء في نهار رمضان
بس آنا من النوع الي ما يآكل ,, يعني يادوب كاس ماء اجرح فيه صيامي وخلاص
بس هالكاسه الماء ياما وياما اخوي الكبير والبابا يشوفوني بالغلط "><
وعاد آنا ماتمشي علي السالفة اسوي روحي بالغلط شربت الماء (مع إن السالفة مكشوفة)
واقعد اشااهق واسوي روحي منصدمة إني شربت بالغلط
ولاازم وقت الصلاة ايضاً اختبئ في غرفتي ,, (مو حلوة الناس تصلي وآنا قاعدة بالصالة لا صلاة ولا شيء )!
طبعاً هذا كله بسبب الخجل ... يعني احسه شيء يخجل شووي ويسبب لنا نحن ولأخواننا الاحراج ....

البابا الله يخليه عادي عنده ولا يرى الشيء محرج ,, ودائماً يسألنا كم يوم صار عليكم
وتلاقيني آنا اغمزز لأمي وانظر لها بنص عين عشان تخلي ابوي يسكت عني لأني مستحية
واذا فقدت الامل من امي تغطي على الموضوع ,, اجاوب عليه وآنه طالعة من المكان الموجود فيه

ولكن الآن بعد ما تزوجت الحمد لله ,, لا اجد حرج من وزجي
وطبعاً هو عارف وحافظ موعد دورتي اكثر مني ... ويحسب ويعد الايام معاي !!
ولكن طبعاً حفاظا ً على مشاعره لا آكل امامه في نهار رمضان ... انما اكتفي بشرب ماء خلسه !