ذكرتيني بشيء قهرني

آنا زوجي راسة خفيف (يعني يقعد على اقل صوت وآنا مثله بعد)
مرة قعدت من النوم الا زوجي مو يمي !! خفت حدي وقمت اناديه وآنا مكاني من الخوف
الا قعد من النوم على صووتي وجى ركيض هاا اشفيك !!
اقوله وينك في هالليل ؟ الا يقول نايم بالصالة !! سألته ليش ؟؟؟ مارضى يعترف (يخاف على شعوري)
بعدين يوم ثاني في السوالف آنا غصبت عليه يعترف ليش راقد برى ,, الا يقول لي ذبحتيني قاعدة تشاخرين !!
ماقدرت ارقد ,, وانتي مآخذه راحتك بالنوم والشخير ..
عاد آنا انقهرت اقوله وي اسمع من يتكلم عاد انت الي تحطم الرقم القياسي في الشخير !!
وآنا اتحملك وارقد معاك وانت الحين يوم واحد مو قادر تتحملني !! على الاقل شخيري لأني مزكمة وكنت بعد مرهقة !!
وهو للحين يحسبني ابالغ في سالفة شخير ... ودي اسجله واسمعه صوته بنفسه ,,
ولكن بنفس الوقت يكسر خاطري واكنسل الفكرة بنفس الوقت

للحين دايماً يقول لي البارحة مادري اشفيك تسولفين وانتي نايمة
والا يخترع له شيء يضحك علي فيه ..
بس تظل سوالف بين زوج وزوجة مافيها اي تجريح مجرد مزح وضحك وفلة ووناسة